АБНА24 Хәбәр Верир , бу барәдә “ҸНН” телеканалынын ефириндә республика президенти Саломе Зурабишвили билдириб.
Ҝүрҹүстанын дөвләт башчысы дејиб: “Биз Русијаја гаршы бүтүн бејнәлхалг малијјә санксијаларында иштирак едирик вә бу, һәгигәтән дә бизим малијјә секторумуз үчүн нә исә демәкдир. Бу вахта гәдәр биз Украјнаны дәстәкләмәк үчүн јарадылмыш бүтүн бејнәлхалг гәтнамәләрдә дә иштирак едирик”.
Хатырладаг ки, Ҝүрҹүстанын Баш назири Иракли Гарибашвили февралын 25-дә билдирмишди ки, өлкәси Русијаја гаршы санксијалар тәтбиг етмәји планлашдырмыр.
Белә ҝөрүнүр ки, Ҹәнуби Осетија сепаратчыларынын Русијаја бирләшмәк гәрарларыны елан етмәси Тбилисинин мөвгејиндә дәјишиклијә сәбәб олуб.
Ҝүрҹүстан мүхалифәти дә Ҹәнуби Осетија сепаратчыларынын Русијаја бирләшмәк гәрарларыны ачыгламасыны һакимијјәтин јүрүтдүјү сијасәтин нәтиҹәси һесаб едир. “Авропа Ҝүрҹүстаны” партијасынын лидери Ҝиги Бокерија гејд едиб ки, Схинвали реҝионунун илһаг едилмәси һөкумәтин өлкәнин милли марагларыны горумамасынын нәтиҹәсидир.
Ҝүрҹүстандан фәргли олараг Азәрбајҹан вә Ермәнистан санксијалара гошулмагдан чәкинирләр. Һәтта белә мәлуматлар да вардыр ки, бу ики дөвләт санксијалардан јајынмагда Русијаја көмәк едә биләрләр.
Русијанын Азәрбајҹандакы сәфири Михаил Бочарников мартын 30-да Бакыда кечирдији мәтбуат конфрансында билдирмишди ки, Русијаја гаршы тәтбиг едилән санксијалар Азәрбајҹан-Русија мүттәфиглик гаршылыглы фәалијјәти һаггында Бәјаннамәнин иҹрасына тәсир ҝөстәрмәјәҹәк вә Азәрбајҹан илә Русија бу Бәјаннамәјә садиг галмаг нијјәтиндәдир, онун иҹрасы бундан сонра да јеринә јетириләҹәк.
АБШ исә мартын 25-дә хәбәрдарлыг едиб ки, Русијаја санксијалардан јајынмаг имканы јарадан шәхс вә ширкәтләрә гаршы да санксијалар гојула биләр.
342/
2 aprel 2022 - 08:33
Xəbər kodu: 1243879
Ҝүрҹүстан Украјнада кечирилән һәрби әмәлијјата ҝөрә Русијаја гаршы тәтбиг едилән бүтүн бејнәлхалг малијјә санксијаларына гошулуб.
