АБНА24 Хәбәр Верир , данышыгларда иштирак едән Украјна Президент Офисинин рәһбәринин мүшавири Михаил Подолјак дејиб ки, Истанбулда Русија илә апарылан данышыгларда әсас диггәт Украјна үчүн тәһлүкәсизлик тәминаты вә атәшкәсә јөнәлиб.
“Бир нечә мүһүм мәсәлә илә бағлы интенсив мәсләһәтләшмәләр ҝедир. Бунлар арасында әсас мәсәлә Украјна үчүн бејнәлхалг тәһлүкәсизлик зәманәти һаггында сазишдир, јалныз бу разылашма илә мүһарибәни Украјнаја лазым олан шәкилдә битирә биләрик”, - о гејд едиб.
Подолјак әлавә едиб ки, мүзакирә олунан мәсәләләрин икинҹи һиссәси атәшкәслә бағлыдыр.
Подолјак гејд едиб ки, тәрәфләр мүһарибә гајдаларынын позулмасыны да мүзакирә едирләр.
Русија мүдафиә назиринин мүавини Александр Фомин исә ТАСС-а билдириб ки, Украјна илә данышыгларын практики мүстәвијә кечмәси илә әлагәдар Кијев вә Чернигов истигамәтләриндә һәрби активлији дәфәләрлә азалтмаг гәрара алыныб. Онун сөзләринә ҝөрә, Русија тәрәфи һесаб едир ки, Кијев дә мүвафиг гәрар гәбул едәҹәк вә “сонракы нормал иш үчүн шәраит јарадаҹаг.
Александр Фомин Истанбулда бу ҝүн кечирилән данышыгларын јекунларына әсасән Кијеви “әсирләрә гаршы Ҹеневрә конвенсијасына әмәл етмәјә” чағырыб.
342/
30 mart 2022 - 11:20
Xəbər kodu: 1243000
Русија вә Украјна арасында данышыглар һејәтинин Истанбулда кечирилән ҝөрүшүнүн биринҹи раунду баша чатыб.
