Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Дүнјанын Сәнајеләшмиш Једдилик Өлкәләри олан Ҝ7 Групунун енерҝетика назирләри базар ертәси Русијанын өлкәдән идхал етдији газын пулуну рублла өдәмәк тәләбини рәдд едибләр.
Алманијанын Игтисадијјат вә Иглим Мүһафизәси назири Роберт Һобек һәмкарлары илә ҝөрүшдән сонра дејиб: “Бүтүн Ҝ7 назирләри бунун биртәрәфли аддым олдуғуну вә һазыркы разылашмаларын ачыг шәкилдә позулмасы олдуғуну гәбул едирләр”.
О дејиб: “Бөјүк једдилик өлкәләринин енерҝетика назирләри бир даһа билдирдиләр ки, мөвҹуд мүгавиләләр етибарлыдыр вә ширкәтләр онлара мүтләг һөрмәт етмәлидирләр... Өдәнишин рублла апарылмасы мәгбул дејил вә биз ширкәтләри Путинин истәкләрини јеринә јетирмәкдән нараһат олмамаға чағырырыг”.
Русија президенти Владимир Путин мартын 23-дә билдирмишдир ки, онун өлкәси артыг “дост олмајан” өлкәләрә газ сатмаг үчүн јалныз Русија валјутасы олан рублу гәбул едәҹәк вә јени гәрар “бу һәфтә” гүввәјә минәҹәк.
Русија парламентинин үзвү Иван Абрамов базар ертәси билдириб ки, әҝәр једди дүнја игтисадијјатына малик олан өлкәләр Русијадан енержи идхалы үчүн рубл өдәмәк истәмәсәләр, бу, Русијанын һәмин өлкәләрә енержи ихраҹыны дајандырмаг демәк олаҹаг.
“Једдилик” групунун үч үзвү олан АБШ, Канада вә Британија даһа әввәл Русијанын Украјнаја һәрби мүдахиләси сәбәбиндән Русијадан нефт, газ вә көмүр идхалына гадаға гојуб.
Групун диҝәр үзвү Јапонија өтән ил нефтинин јалныз 3 фаизини вә мајеләшдирилмиш тәбии газ идхалынын 9 фаизини Русијадан тәмин едиб. Италија, Франса вә Алманија исә һазырда Русијадан нефт вә газ алыр вә бу илин сонуна гәдәр Русија газынын алышыны 66 фаиз азалтмаг гәрарына ҝәлибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
