Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Брүсселдә кечирилән ишғалчы НАТО лидерләр саммитинин бу ҝүнкү иҹласы јекунлашыб.
Анти-Русија самитинин јекун бәјанатында лидерләр Русијаны конкрет нәтиҹәләрә наил олмаг үчүн Украјна илә конструктив диалога чағырыб. Сәнәддә билдирилиб ки, атәшкәсин ардынҹа Русија гошунлары Украјна әразисиндән чыхарылмалыдыр.
Русија әлејһинә верилән бәјаната ҝөрә, НАТО ишғалчы алјансынын лидерләри Шәрги Авропада дөрд дөјүш групу јерләшдирмәк барәдә разылыға ҝәлибләр.
“РИА Новости” бу барәдә билдириб ки, сәнәддә белә гејд олунуб: “Биз Болгарыстан, Маҹарыстан, Румынија вә Словакијада дөрд әлавә чохмилләтли дөјүш групу јарадырыг”.
Һәмчинин, НАТО ишғалчы алјансынын лидерләринин Украјна бөһраны фонунда мүһарибиә хәрҹләрини артырмаг барәдә разылыг әлдә етмәси дә бәјанатда өз әксини тапыб.
Бунунла јанашы, ишғалчы алјанс Чин, Беларус вә диҝәр өлкәләрә дә хәбәрдарлыг едәрәк, онлары Русијанын Украјнадакы һәрби әмәлијјатыны дәстәкләмәкдән чәкинмәјә чағырыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
