АБНА24 Хәбәр Верир , Пејманпак АПА-ја вердији мүсаһибәдә дејиб ки, һәр ики өлкәнин иш адамлары ҝениш форматда бир-бирләри илә әлагәләр гурублар вә һазырда ики өлкә үчүнҹү өлкәләрдә бирҝә лајиһәләр һәјата кечирир.
Онун сөзләринә ҝөрә, һәр ики өлкәнин иш адамлары ҝениш форматда бир-бирләри илә әлагәләр гурублар вә һазырда ики өлкә үчүнҹү өлкәләрдә бирҝә лајиһәләр һәјата кечирир: "Һазырда өнәмли олан мәсәлә Теһран вә Бакы арасында тиҹарәтин инкишаф етдирилмәсидир. Бунун үчүн Иран Азәрбајҹанын транзит потенсиалындан вә Азәрбајҹан да Иранын тиҹарәт потенсиалындан јарарланмалыдыр".
Пејманпак гејд едиб ки, Иран вә Азәрбајҹан арасында әмәкдашлыг үчүн техники вә мүһәндислик лајиһәләри давам етдирилир:
"Азәрбајҹанын транзит әлагәләринин Фарс көрфәзи, Һинд океаны вә Африка өлкәләринә гәдәр ҝенишләндирмәк үчүн Иран мүсбәт рол ојнаја биләр. Диҝәр өнәмли олан мәсәлә азәрбајҹанлы иш адамлары илә үнсијјәт гурмагдыр ки, һазырда иранлы тиҹарәтчиләр бу үнсијјәти вә мүнасибәти гуруб. Иш адамлары ики өлкәнин лајиһәләриндә мүштәрәк әмәкдашлыгла јанашы, үчүнҹү өлкәләрдә мүштәрәк олараг лајиһәләр һәјата кечирмәјә башлајыб вә бу, Иранла Азәрбајҹан арасында тиҹарәтин инкишафында бөјүк рол ојнајаҹаг".
О, һәмчинин дејиб ки, Иран Азәрбајҹанын потенсиалындан Аврасија базарында истифадә едә биләр: "Азәрбајҹанлы бизнесменләрин Аврасија вә МДБ өлкәләриндәки базарларла танышлығы Иран үчүн әлверишли шәраит јарада биләр. Бу, Иран үчүн чох өнәмлидир".
342/
20 mart 2022 - 08:59
Xəbər kodu: 1240980
Иранын сәнаје назиринин мүавини вә өлкәнин тиҹарәтин инкишафы тәшкилатынын баш директору Әлирза Пејманпак Теһран вә Бакынын ҝүзәштли тиҹарәт саһәсиндә разылыға икләрини билдириб.
