Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (әлүјһимус сәлам) Ассамблејасы Пакистанын Пишәвәр шәһәриндә баш верән террор һадисәсини писләјән бәјанат јајыб.
Үмумдүнја Әһли-Бејт (ә) Ассамблејасынын бәјанатынын там мәтни беләдир:
Бисмилләһир Рамәнир Раһим
“Биз Аллаһа мәхсусуг вә Она доғру гајыдырыг”
Јенә дә Ислам вә мүсәлман дүшмәнләринин әлләри тәкфирчи ҹинајәткар террорчуларын голларындан чыхыб вә Пакистанын даһа бир мәзлум вә ҝүнаһсыз Шиә мәнтәгәси олан Пишәвәр шәһәриндә инсанлары ҹүмә намазы гыларкән гәтлә јетирибләр. Пакистанын Пишәвәр шәһәриндәки Имам мәсҹидинә төрәдилән террор акты нәтиҹәсиндә 60-дан чох инсан һәлак олуб, 200-ә јахын Шиә ибадәтчи јараланыб.
Тарих ҝөстәрир ки, Шиәләр, халис Мәһәммәди Ислам вә Әһли-Бејт (ә) мәктәбинин ҝөстәришләринә әсасланараг һеч вахт террор актларында иштирак етмәјибләр.
Бу ҝүн Исламын әхлаги вә әгли өлчүләринә диггәт јетирмәк вә мүсәлманларын ортаг дүшмәнләри (сионизм вә глобал тәкәббүрлү гүввәләр) илә гаршы-гаршыја ҝәлмәк ҝетдикҹә даһа зәрури ҝөрүнүр.
Пакистандакы мәсул шәхсләрин вә нүфузлу Ислам алимләринин белә һадисәләрин гаршысыны алмаг вә бу һадисәләрин сәбәбкарлары илә мүбаризә апармаг үчүн бөјүк сәј ҝөстәрәҹәкләринә үмид едилир.
Үмумдүнја Әһли-Бејт (ә) Ассамблејасы бу террор ҹинајәтини гәтијјәтлә писләјир вә бу фаҹиәли һадисә илә бағлы Пакистан Ислам Республикасынын дост мүсәлман халгына, хүсуси илә дә шәһидләринин һөрмәтли аилә үзвләринә башсағлығы верир.
Уҹа Аллаһдан шәһидләрә Илаһи рәһмәт вә мәғфирәт, јаралылара дәрһал шифа, јаралылара, онларын вә шәһид аиләләринә сәбр вә мүкафат тәмәнна едирик.
Үмумдүнја Әһли-Бејт (ә) Ассамблејасы
Исфәнд 1400-Март 2022
Диггәт: Хәбәрдән Истифадә Етдикдә Мәнбәјә Истинад Лазымдыр!
