АБНА24 Хәбәр Верир ,Полша Украјнаја дөјүш тәјјарәләри ҝөндәрмәјәҹәјини билдириб. Полша илә јанашы, Болгарыстан вә Словакија һөкумәтләри дә Украјнаја һәрби тәјјарә ҝөндәрмәјәҹәјини билдирибләр. Болгарыстанын баш назири Кирил Петков дејиб ки, онун өлкәсиндә истисмара јарарлы тәјјарәләр вә еһтијат һиссәләри јохдур, һәмчинин Украјнаја тәјјарәләрин верилмәсиндән әлавә, өлкәнин һава мәканыны горумаг үчүн белә кифајәт гәдәр гырыҹы јохдур. Словакија Мүдафиә Назирлијинин сөзчүсү дә охшар ачыглама вериб вә дејиб ки, Словакија Украјнаја дөјүш тәјјарәләри ҝөндәрмәјәҹәк.
Ејни фикри Полша президенти Анджеј Дуда сәсләндириб вә өлкәсинин Украјнаја һеч бир тәјјарә ҝөндәрмәк нијјәтиндә олмадығыны дејиб вә бунун "һәрби мүдахиләјә сәбәб олаҹағыны" иддиа едиб.
Даһа әввәл билдирилирди ки, Авропа Иттифагынын ајры-ајры өлкәләри Украјнаја гырыҹы тәјјарәләр ҝөндәрәҹәк. Сөһбәт украјналы пилотларын артыг идарә едә билдији МиГ-29 типли реактив тәјјарәләрдән ҝедирди.
Русија ХИН-ин бәјанатында исә билдирилир ки, Москва Украјнаја силаһ тәдарүкүндән һәддән чох нараһатдыр.
Бәјанатда дејилир: Украјнаја силаһ тәдарүкүнүн НАТО илә инсидентә сәбәб олмајаҹағы илә бағлы тәминат јохдур.
Февралын 24-дә Русија президенти Владимир Путин халгына мүраҹиәтиндә Гәрб дөвләтләрини тәһдид етмишди ки, “Украјнадакы вәзијјәтә кәнардан мүдахилә оларса, Русија дәрһал ҹаваб верәҹәк. Әминәм ки, рус һәрбчиләри өз вәзифәләрини пешәкарҹасына вә ҹәсарәтлә јеринә јетирәҹәкләр”.
342/
3 mart 2022 - 05:34
Xəbər kodu: 1235303
Авропа Иттифагы өлкәләри Украјнаја даһа әввәл чатдырылачағы ачыгланан дөјүш тәјјарәләрини ҝөндәрмәјәҹәк.
