Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ливан Һизбуллаһ Тәшкилаты, Русијанын Украјнаја тәҹавүзүнү писләјән Ливан һөкумәтини тәнгид едиб вә хариҹи ишләр назирини изаһат вермәјә чағырыб.
Ливан Һизбуллаһынын парламентдәки нүмајәндәси Ибраһим әл-Мусәви твиттер һесабында јазыб: “Ливан һансы хариҹи сијасәти јеридир вә Ливанын бу хариҹи сијасәтдә марағы һарададыр? Дөвләт катиби бизә изаһат вермәлидир.”
Ејни заманда, Ливан Әмәл һәрәкатынын үзвү вә Һизбуллаһын мүттәфиги олан мәдәнијјәт назири Мәһәммәд әл-Мүртәза да Ливан хариҹи ишләр назиринин Русијанын Украјнаја мүдахиләси илә бағлы бәјанатына етираз едиб.
Мәдәнијјәт назири Мәһәммәд әл-Мүртәза, конститусијанын 65-ҹи маддәсинә әсасән ҝәтирәрәк билдирб: “Назирләр Кабинети бүтүн саһәләрдә үмуми сијасәт формалашдырмалыдыр. Она ҝөрә дә хариҹи ишләр назиринин Ливан кабинетинә истинад етмәдән вәзифә тутмаға һаггы јохдур!”
Диггәт: Хәбәрдән Истифадә Етдикдә Мәнбәјә Истинад Лазымдыр!
