АБНА24 Хәбәр Верир , Иранын хариҹи ишләр назири Һүсејн Әмир Абдуллаһиан Теһранда сәфәрдә олан Оманын хариҹи ишләр назири Бәдр Бин Һәмәд Әл-Бусаиди илә ҝөрүшдән сонра кечирилән бирҝә мәтбуат конфрансында чыхышы заманы Вјана данышыгларына тохунуб вә бу данышыгларында чох аз, лакин чох һәссас вә мүһүм мәсәләләрин галдығыны билдирәрәк, әлавә едиб: "Һеч бир һалда данышыглар групу Иран Ислам Республикасынын данышыгларла бағлы гырмызы хәтләрини кечмәјәҹәк".
Бүтөвлүкдә Вјана данышыгларына никбин бахдығыны дилә ҝәтирән Әмир Абдуллаһиан гаршыдакы ҝүнләрдә галан бир нечә ваҹиб вә һәссас мәсәләләрин Гәрб өлкәләринин реалист бахышы илә јекунлашаҹағына үмид етдијини билдириб.
Иранын хариҹи ишләр назири чыхышынын башга бир һиссәсиндә Оманын Хариҹи Ишләр Назири илә ҝөрүшүн тәфәррүатларыны да ачыглајыб вә дејиб: "Ики өлкә арасында әлагәләр чох јахшы бир јолдадыр. Биз бу әлагәләри инкишаф етдирмәк үчүн даһа чох сәј ҝөстәрмәјә разылашдыг. Биз үмид едирик ки, јахын ҝәләҹәкдә ики өлкә президентләринин ҝөрүшү мүмкүн олаҹаг".
Әмир Абдуллаһијан Украјнада баш верәнләрә дә тохунуб вә дејиб: "АБШ вә НАТО-нун тәхрибатчы давранышы Украјна бөһраныны даһа да шиддәтләндирир вә фикримизҹә, АБШ вә НАТО-нун мүдахиләси Русија-Украјна бөһранына көмәк етмәјәҹәк".
Гејд едәк ки, Оманын хариҹи ишләр назири Бәдр Бин Һәмәд Әл-Бусаиди Оман султанынын мәктубуну Иран президентинә чатдырмаг үчүн Теһрана сәфәр едиб.
342/
24 fevral 2022 - 06:37
Xəbər kodu: 1232853
АБШ-ын өзүнүн хош нијјәтини сүбут етмәк үчүн һеч бир әмәли аддым атмадығыны билдирән Әмир Абдуллаһиан дејиб: "Вјана данышыглары һәссас вә мүһүм мәрһәләјә чатыб".
