АБНА24 Хәбәр Верир , Президент Владимир Путин чәршәнбә ҝүнү дејиб ки, Москва һәлә дә Украјна мәсәләсиндә Гәрблә "дипломатик һәлл јолларына" һазырдыр, амма ејни заманда билдириб ки, Русијанын мараглары вә вәтәндашларынын тәһлүкәсизлији мүзакирә едилә билмәз.
Путин Русијада дөвләт бајрамы олан Вәтән Мүдафиәчиси Ҝүнү илә бағлы видеомүраҹиәтиндә дејиб ки, өлкәси һәр заман бирбаша вә дүрүст диалога ачыгдыр.
Путин мүраҹиәтиндә Русија һәрбчиләринин дөјүш һазырлығыны јүксәк дәјәрләндириб вә онларын "пешәкарлығына" вә өлкәнин марагларыны мүдафиә едәҹәкләринә әмин олдуғуну билдириб.
НАТО 100 миндән чох рус әсҝәринин Украјнанын шәрг сәрһәди јахынлығында олдуғуну билдирир.
Москва Украјнанын һеч вахт НАТО-ја гошулмајаҹағына даир зәманәт дә дахил олмагла, тәһлүкәсизлик зәманәти тәләб едир.
342/
24 fevral 2022 - 06:25
Xəbər kodu: 1232843
Путин: Москва һәлә дә Украјна мәсәләсиндә Гәрблә “дипломатик һәлл јолларына” һазырдыр.
