Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Һәјдәр Әлијев вә Илһам Әлијевлә јахындан таныш олан гоҹа вә һијләҝәр малијјәчи Ҹорҹ Сорос өзүнү јени сечкиләрдә сынајаҹағынын анонсуну верир.
Белә ки, бу илин апрелиндә Маҹарыстанда үмумхалг сечкиләри кечириләҹәк, инди Сорос вахтилә бурадан говулдуғунун аҹығыны чыхмаг нијјәтләрини дилә ҝәтирир.
Маҹарыстан һөкумәти бир нечә ил өнҹә Соросу мигрантларын Авропаја јерләшдирилмәси үчүн план гурмагда тәгсирләндирирди.
Маҹарыстанда Соросун тәсисчиси олдуғу фондларын вә дәстәкләдији гејри-һөкумәт тәшкилатларынын фәалијјәтләрини нәзарәтә алмаг, малијјә дәстәкләрини мәһдудлашдырмаг үчүн “Соросу дајандырын” ады верилән ганун мөвҹуддур.
Маҹарыстанын баш назири Виктор Орбан Ҹ.Соросу тәнгид едир, ону Маҹарыстан сијасәтинә мүдахиләдә, либерал мүхалифәтә рәһбәрликдә сучлајыр.
Сорос онун фәалијјәтинә “нөгтә” гојан Маҹарыстан һөкумәтини бағышламыр, чағырыш едир ки, апрелдә кечириләҹәк сечкиләрдә Маҹарыстан халгы Виктор Обраны баш назир күрсүсүндән кәнарлашдырылмалыдыр.
Маҹарыстан Азәрбајҹан вә Түркијә үчүн дә мүһүм тәрәфдашдыр вә о, Түрк Дөвләтләри Тәшкилатында мүшаһидәчи гисминдә тәмсил олунур.
Сорос Маҹарыстанда өзүнүн зүһуруну тәмин етсә, бу, јаранмамыш Турана, Бакы вә Анкара илә дә мүнасибәтләрә тәсирсиз өтүшмәјәҹәк.
Гејд едәк ки, Сорос шәхси сәрвәтинин 32 милјард доллардан чохуну “дүнја ишләринә” хәрҹләјиб, ән азындан онун өзүнүн рәсми тәгдиматында јер алан мәлуматларда бу һагда јазылыб.
Милјардер Сорос 2019-2020-ҹи илләрдә дүнјадакы сечки нәтиҹәләринә тәсир етмәк үчүн демократик груплара 80 милјон доллар пул бурахыб.
Инди исә бу рәгәмин һәҹми бөјүјүр, Сорос 2022-ҹи илдә дүнјадакы сечкиләр вә ондан сонракы дөвр үчүн өзүнүн курасијасында олан демократик груплара вә “демократ намизәдләрә” көмәк мәгсәдилә 125 милјон долларлыг бир платформа гурур.
Диггәт: Хәбәрдән Истифадә Етдикдә Мәнбәјә Истинад Лазымдыр!
