АБНА24 Хәбәр Верир , Мәҹид Тәхти Рәванчи чәршәнбә ахшамы ҝүнү БМТ-нин Сүлһмәрамлы Әмәлијјатлар үзрә Хүсуси Комитәсиндә чыхышы заманы Иран Ислам Республикасынын һәрби бригадалары, полис, һәрби мүшаһидәчи вә мадди-техники тәҹһизатлар ҝөндәрмәклә БМТ-нин Хүсуси Комитәсинин миссијаларында иштирак етмәјә һазыр олдуғуну билдириб.
О, БМТ сүлһмәрамлыларынын әмәлијјатларынын бејнәлхалг сүлһ вә тәһлүкәсизлијин горунмасында һәлә дә һәлледиҹи рол ојнадығыны сөјләјәрәк, БМТ Баш Ассамблејасынын Сүлһмәрамлы Әмәлијјатлар үзрә Хүсуси Комитәсинин сүлһмәрамлы әмәлијјатларын бүтүн аспектләринин һәртәрәфли тәдгигиндә хүсуси мөвгејә малик олдуғуну вурғулајыб.
"БМТ-нин сүлһмәрамлы әмәлијјатлары БМТ Низамнамәсинин бүтүн мәгсәдләринә риајәт олунмагла, о ҹүмләдән өзүнүмүдафиә истисна олмагла, ҝүҹ тәтбиг етмәкдән чәкинмәклә, мүнагишәләрин һәр ики тәрәфинин гаршылыглы разылығы шәраитиндә вә там нејтраллыға риајәт етмәклә һәјата кечирилмәлидир", дејә Тәхти Рәванчи әлавә едиб.
342/
16 fevral 2022 - 09:49
Xəbər kodu: 1230089
Иранын Бирләшмиш Милләтләр Тәшкилатындакы даими сәфири Иран Ислам Республикасынын БМТ-нин дүнја үзрә сүлһмәрамлы әмәлијјатларында иштирак етмәјә һазыр олдуғуну билдириб.
