АБНА24 Хәбәр Верир , валидејнләр билдирибләр ки, бүтүн инстансијалара мүраҹиәт едибләр, амма нәтиҹәсиз галыб. Етиразчылары Президент Администрасијасына сөһбәтә дәвәт едибләр.
"Дејирләр ки, өзү- өзүнү вуруб. Она ҝөрә шәһидлик статусу верилмир. Мәним оғлум 1 ил, 6 ај Муровдағда хидмәт едиб, 44 ҝүнлүк мүһарибәдә иштирак едиб, медалла тәлтиф олунуб. Тәрхисә 6 ҝүн галмыш дедиләр ки, өзү- өзүнү вуруб", -аксија иштиракчыларындан бири дејиб.
Аксијанын ишыгландырылмасы заманы Фатимә Мовламлы вә Севинҹ Садиговун сахланылараг полисә апарылдығы билдирилир.
Репортјор Фатимә Мөвламлы бу ҝүн Бакынын Сәбајел рајон 9-ҹу полис бөлмәсиндә дөјүлдүјүнү билдирир.
"Бизи Президент Администрасијасынын гаршысында сахладылар. Мобил телефонлары алмаг истәдиләр вә чәкилиши силмәји тәләб етдиләр. 9-ҹу бөлмәдә чавушлар рәһбәрлијин ҝөзләри гаршысында мәни ики дәфә дөшәмәјә јыхараг вурмаға башладылар. Ајағымда ајаггабынын изләри галды. Онлар мәним ҝөдәкҹәми ҹырдылар", - о дејиб.
Дахили Ишләр Назирлијиндә Мөвламлынын бәјанатыны "әсассыз" адландырыблар.
Хатырладаг ки, Фатимә Мөвланлы фрилансердир, мүхтәлиф сајт вә КИВ илә әмәкдашлыг едир.
342/
16 fevral 2022 - 09:41
Xəbər kodu: 1230076
Азәрбајҹан Республикасында мүхтәлиф вахтларда һәлак олан һәрбчиләрин валидејнләри бу ҝүн Президент Администрасијасынын гаршысында аксија кечирибләр. Онлар һәлак оланлара "шәһид" статусунун верилмәсини тәләб едирдиләр.
