Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, Уттар Прадеш штатынын Пендари кәндинин 10 миндән чох әһалиси вар вә Һиндистан паjтахтындан 140 км аралыда jерләшир.
Бу кәндин ҝиришиндә Һәзрәт Зәһра (сәламуллаһи әлеjһа) адына мәктәб вар иди. Мәктәбин оғланвә гыз шаҝирдләри һәjәтдә дуа едирдиләр.
Бу тәдрис мәркәзинин jанындан өтүб кечәндән сонра кәндин ичәрисинә кечдик вә бир лөвһә диггәтимизи чәкди. Лөвһәдә Ислам Ингилабынын Баниси мәрһум Имам Хомеjни вә Ислам Ингилабынын һазыркы Али Рәһбәри Имам Хаменеи ҹәнабларынын диҝәр Шиә тәглид мәрҹәләринин шәкилләри варды.
Бу лөвһә бурада jашаjанларын динини ҝөстәриҹиси иди. Кәнддә су, jашыллыг, иш вә зәһмәт далғаланыр, һәр jердә һәрәкәт вә ҹанланма вардыр. Әһалинин 90%-дән чохуну Сеjjидләр тәшкил едир. Сеjjидләр 800 илдән өнҹә бу кәндә ҝәлмиш вә бурада мәскунлашмышлар.
Ҹамаат зөһр вә әср намазларыны гылмышды вә кәнддә jерләшән Имамзадәдән бу сәс ешидилирди: “Салам олсун сәнә вә jа Әмирәл-мөминин”. Кәнд дүканларынын үстүндә Ашуранын әзәмәтиндән бәһс едән лөвһәләр варды.
Әһалинин артмасына уjғун олараг кәнддә мәсҹидләр вә һүсеjниjjәләр инкишаф етдирилир вә тәмир олунур.
Јүзләрлә jерли сакин кәндин мәркәзиндә jерләшән Имамзадә мәбәдиндә ачыг һавада отурараг өз нәсилләринин шәҹәрәсини арашдырыр вә кечмишини өjрәнирдиләр.
Бу шәҹәрә һазырда 30 иллик арашдырмадан сонра тамамланыб вә һазырланараг кәнддә сахланылырки, һамы онларын һарадан ҝәлдиjини вә ким олдуғуну, неҹә шәрәфли вә алиҹәнаб бир нәсилдән төрәндикләрини билсинләр.
Диггәт: Хәбәрдән Истифадә Етдикдә Мәнбәjә Истинад Лазымдыр!
