АБНА24 Хәбәр Верир, Дөвләт Статистика Комитәсинин мәлуматында дејилир ки, бу илин јанвар ајында Азәрбајҹанда истеһлак гијмәтләри индекси өтән илин ејни дөврүнә нисбәтән 112,5 %, о ҹүмләдән әрзаг мәһсуллары, ичкиләр вә түтүн мәмулатлары үзрә 117,1 %, гејри-әрзаг мәһсуллары үзрә 105,9 %, әһалијә ҝөстәрилмиш өдәнишли хидмәтләр үзрә 111,1 % тәшкил едиб.
Ај әрзиндә ајры-ајры әрзаг мәһсулларындан даһа чох артым чөрәјин, унун, гарабашаг јармасынын, макарон мәмулатларынын, гојун, мал вә тојуг әтинин, тәзә вә дондурулмуш балығын, пендирин, хаманын, гатылашдырылмыш шәкәрли вә стерилизә олунмуш үзлү сүдүн, кәрә јағынын, нарын, һејванын, наринҝинин, хурманын, бананын, алманын, армудун, хијарын, помидорун, балгабағын, картофун, соғанын, сарымсағын, мәрҹинин, шәкәр вә шәкәр тозунун, конфетләрин, какао тозунун, лимонадын, түтүн мәмулатларынын, азалма исә әсасән јумуртанын, портағалын, кәләмин, чуғундурун вә јеркөкүнүн гијмәтләриндә мүшаһидә олунуб.
Өтән ај гејри-әрзаг мәһсуллары үзрә истеһлак гијмәтләри индекси әввәлки аја нисбәтән 100,8 % тәшкил едиб.
Мәлумата әсасән, бу илин јанвар ајында әһалијә ҝөстәрилмиш өдәнишли хидмәтләр үзрә истеһлак гијмәтләри индекси өтән илин декабр ајына нисбәтән 101,0 % тәшкил едиб.
Ај әрзиндә әһалијә ҝөстәрилмиш өдәнишли хидмәтләрдән даһа чох артым почт васитәсилә бағламаларын ҝөндәрилмәси һагларында, палтарларын тәмири, кимјәви тәмизләнмәси вә кирајәси, ајаггабы, мебел, мәишәт ҹиһазлары, миник автомобилләри вә мәнзилләрин тәмири, тибби, стоматоложи, иҹтимаи иашә, бәрбәрхана вә косметоложи хидмәтләрин гијмәтләриндә, азалма исә һава нәглијјаты илә бејнәлхалг сәрнишиндашыма хидмәтләринин гијмәтләриндә мүшаһидә олунуб. Диҝәр өдәнишли хидмәтләрин гијмәтләриндә ҹидди дәјишикликләр баш вермәјиб.
342/
12 fevral 2022 - 11:32
Xəbər kodu: 1228733
Азәрбајҹан Дөвләт Статистика Комитәси истеһлак вә хидмәт гијмәтләринин артдығыны тәсдигләјиб.
