Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, Бакыда олдуғу кими Ҝәнҹәдә дә саһибсиз һеjванлар үчүн мәнзилләр тикилир вә вахты-вахтында гидаландырылырлар. Белә ки, Ҝәнҹә Шәһәр Иҹра Һакимиjjәти, Ҝәнҹә Иҹтимаи Иштиракчылыг Мәҹлиси вә Ҝәнҹә шәһәр Кәпәз Бәләдиjjәсинин бирҝә тәшәббүсү илә саһибсиз күчә һеjванларынын jерләшдирилмәси үчүн сығынаҹаг инша едилир.
"Репорт"ун мәлуматына ҝөрә, инша ишләри Ҝәнҹә Шәһәр Мәнзил Коммунал Тәсәррүфаты Истаһсалат Бирлиjинин Тәмир-бәрпа вә тикинти шөбәсинин әмәкдашлары тәрәфиндән һәjата кечирилир.
Иҹтимаи әсасларла фәалиjjәт ҝөстәрәҹәк олан сығынаҹагда илкин олараг 50 һеjванын jерләшдирилмәси үчүн шәраит jарадылаҹаг. Сығынаҹагда һеjванларын мүәjjән едилмиш саатларда гидаландырылмасы, баjтар тәрәфиндән мүаjинә вә мүалиҹәси, һәмчинин пеjвәндләнмәси тәмин олунаҹаг.
Бир нечә һәфтәдир давам едән тикинти-гурашдырма ишләринин гыса мүддәт әрзиндә jекунлашдырылмасы планлашдырылыр. Ҝәнҹә-Самух jолу, Атабәjләр проспектиндә jерләшән сығынаҹаг jахын ҝүнләрдә фәалиjjәтә башлаjаҹаг.
P.S: Халг өлүрсә өлсүн ҹәһәннәмә ки, тәки шаһ затиләри сағ олсун.
Диггәт: Хәбәрдән Истифадә Етдикдә Мәнбәjә Истинад Лазымдыр!
