АБНА24 Хәбәр Верир, Никол Пашинјан бу ҝүн һөкумәтин иҹласында билдириб: “Русијанын васитәчилијилә Ермәнистан вә Азәрбајҹан дәмир јолунун тикинтисинә вә бәрпасына чох јахындыр ки, бу да реҝионда коммуникасијаларын ачылмасы демәкдир.
Онун дедијинә ҝөрә, дүнән Русија Федерасијасы баш назиринин мүавини Алексеј Оверчук вә Русија Дәмир Јолларынын баш директору Олег Белозеров Јеревана ишҝүзар сәфәрә ҝәлибләр. “Бунунла да коммуникасијаларын ачылмасы үзрә үчтәрәфли ишчи групунун илк әмәли нәтиҹәси чох јахындадыр. Дүнәнки ҝөрүш Јерасх - Ҹулфа - Ордубад - Меһри-Һорадиз дәмир јолунун тикинтисинин башланмасы илә әлагәдар олуб”, - дејә Пашинјан гејд едиб.
Зәнҝәзур дәһлизи ифадәсиндән истифадә етмәкдән чәкинән баш назир сонра дејиб: “Бизим өлкәмизин әразисиндә дәмир јолу Ермәнистан ганунвериҹилијинә ујғун фәалијјәт ҝөстәрәҹәк. Һазырда техники мәсәләләр, лајиһәнин малијјәләшдирилмәси вә ишләрин башланмасы аспектләри мүзакирә олунур”.
Бунунла да пресидент Илһам Әлијевин тәкидләринә рәғмән, Ермәнистан баш назиринин ачыгламасындан ајдын олур ки, Сүник бөлҝәсиндә дәһлизин јарадылмасы ҝүндәмдә дејил вә Лачын дәһлизинин статусу бурада тәтбиг олунмајаҹаг, трансит фәалијјәтләринә исә бирбаша Русија нәзарәт едәҹәкдир.
Өз нөвбәсиндә, баш назирин мүавини Мгер Григорјан билдириб ки, Ермәнистан дәмир јолунун оператору "Русија Дәмир Јоллары" ширкәти олаҹаг.
342/
3 fevral 2022 - 19:45
Xəbər kodu: 1225709
Ермәнистанын баш назири бу өлкә илә Азәрбајҹан арасында дәмир јолу хәттинин ачылаҹағына әмин олдуғуну билдириб.
