Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ливан Һизбуллаһы Ислам дүнсајынынАли Тәглид Мәрҹәләриндән бири олан Ајәтуллаһ Шејх Лүтфуллаһ Сафи Ҝүлпајеганинин вәфаты илә бағлы башсағлығы месажы ҝөндәриб.
Ливан Һизбуллаһы башсағлығы месажында әлавә едиб: Ислам дүнјасы вә Елми Һөвзә узун бир өмүрдән сонра бөјүк елми наилијјәтләр әлдә етмиш Тәглид Мәрҹәләриндән бири олан Ајәтуллаһ Шејх Лүтфуллаһ Сафи Ҝүлпајеганинин вәфаты илә, алим вә гүдрәтли фәгиһи итирмиш олду.
Тәслијјәт месажында һәмчинин онун сијаси кечмиши вә Иран Ислам Республикасынын гурулмасындакы ролу гејд едилир вә билдирилир: “Онун (Ајәтуллаһ Сафи Ҝүлпајегани) Иран Ислам Ингилабынын гәләбәсинин әввәлиндә формалашан Експертләр Мәҹлисиндәки иштиракы вә фәалијјәти, Ислам Республикасынын гурулмасынын әввәлиндә мүһүм вә тәсирли олмушдур.
Һизбуллаһ бу мөһтәрәм алимин итирилмәсиндән тәәссүфләнир вә башда Саһиб әз-Заман (әлејһи сәлам) олмагла, Онун һагг наиби Ајәтуллаһ Имам Хаменеи ҹәнабларынын хидмәтинә, Али тәглид Мәрҹәләринә башсағлығы верир вә онун үчүн Уҹа вә Мәрһәмәтли Аллаһдан ҝениш рәһмәт, мөһтәрәм аиләсинә сәбр диләјирик.
Диггәт: Хәбәрдән Истифадә Етдикдә Мәнбәјә Истинад Лазымдыр!
