Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “The National İnterest” нәшриндән АБШ-а төвсијә: “Хариҹи сијасәтә гәрәзсиз вә баланслы јанашма сајәсиндә Азәрбајҹанла Иран сәмими вә дүрүст данышыглар апара билдиләр. Бу, АБШ вә Иранын гаршылыглы етимадсызлыг даирәсиндә илишиб галдығы ситуасијадан хејли фәргләнир”.
“Бирләшмиш Штатлар вә Иран арасында Бирҝә Һәртәрәфли Нүвә Фәалијјәт Планына (JCPOA) гајытмаг үчүн данышыглар давам етсә дә, мүшаһидәчиләр вахтын даралдығыны вә компромис әлдә едилмәмәсинин ҹидди бејнәлхалг нәтиҹәләрә сәбәб ола биләҹәјини бәјан едирләр. Разылашмаларын әлдә олунаҹағына шүбһә илә јанашан америкалы мүшаһидәчиләр вә хариҹи сијасәт експертләри, јахшы оларды ки, Иран вә Азәрбајҹан арасында уғурлу разылашмаларын ардыҹыллығына диггәт јетирсинләр”.
Бу фикир Гәрбин нүфузлу “The National İnterest” нәшриндә әкс олунуб.
Мәгаләдә вурғуланыр ки, сон вахтлара кими Иран вә Азәрбајҹан арасында ҝәрҝинлик һөкм сүрсә дә, гыса заман кәсијиндә өлкәләр арасында дипломатик мүнасибәтләрдә вә гаршылыглы мәнфәәт доғуран мәсәләләрдә ҹидди наилијјәтләр әлдә олунуб.
“The National İnterest” гејд едир ки, бу разылашмалар АБШ вә Иранын гаршылыглы етимадсызлыг даирәсиндә илишиб галдығы ситуасијадан хејли фәргләнир. “Хариҹи сијасәтә гәрәзсиз вә баланслы јанашма сајәсиндә Азәрбајҹан вә Иран сәмими вә дүрүст данышыглар апара билдиләр. Бу, сырф Азәрбајҹанла Иран арасында јаранмыш сон ҝәрҝинлик әсасында ҝениш ҝеосијаси бәјанатлар вермәјә вә јанлыш нәтиҹәләр чыхармаға тәләсән експертләрин диггәтиндән јајыныб. Мәсәлән, сон ескаласија заманы бәзи аналитикләр Иранын мөвгејини дәстәкләмәјә тәләсдиләр. Бу ҹүр експертләрин фикринҹә, Бакы мәгсәдјөнлү ҝеосијаси ҝүндәмин бир һиссәси кими Иранла ҝәрҝинлији гәсдән артырмаға чалышырды. Бир чох Гәрб експертләри чох вахт Азәрбајҹанын хариҹи сијасәтинин маһијјәтини вә мәнтигини дәрк едә билмирләр. Бәзи кечмиш совет өлкәләринин хариҹи сијасәтини “гәрбјөнүмлү”, “русијапәрәст”, “исраилјөнлү” вә с. кими бәсит категоријалара бөлмәк вә бунунла да дөвләтләрин олмасы еһтималыны тамамилә инкар етмәк хошаҝәлмәз бир тенденсија јарадыр”.
Мәгаләнин сонунда вурғуланыр ки, Азәрбајҹан-Иран мүнасибәтләри уникал, чохшахәли вә мүрәккәбдир: “Тәәссүф ки, Иранла бағлы әнәнәви Гәрб либерал тәсәввүрләриндән һәдсиз дәрәҹәдә тәсирләнән мүшаһидәчиләр, бу мүнасибәтләри изаһ едә билмир вә онларын изаһатлары чох вахт тәблиғата чеврилир. Инди Азәрбајҹанла Иран арасында мүнасибәтләрин јахшылашмасы сынанылма мәрһәләсиндәдир”.
Диггәт: Хәбәрдән Истифадә Етдикдә Мәнбәјә Истинад Лазымдыр!
