Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, икинҹи Чин-Авропа маршрутунун Хәзәр дәнизиндән кечән һиссәсиндә нәглијјат бағлантысынын ҝүҹләндирилмәси мәгсәдилә Бакы-Түркмәнбашы-Бакы истигамәтиндә 2022-ҹи илдән етибарән ики ҝәми фәалијјәт ҝөстәрәҹәк.
“Азәрбајҹан Дәмир Јоллары” ГСҸ-нин төрәмәси олан “АДЈ Контејнер” ММҸ-дән верилән мәлумата әсасән, “Шаир Сабир” вә “Маһмуд Рәһимов” ҝәмиләри Бакы-Түркмәнбашы-Бакы истигамәтиндә контејнерләрин дашынмасыны һәјата кечирәҹәк.
Ҝәмиләрин сајы илә јанашы, һәфтәлик рејсләрин дә сајы һава шәраитиндән асылы олараг 2 дәфәјә чатдырылаҹаг. Гејд олунан лиманлар арасында илк ҝәми 2019-ҹу илин апрел ајында фәалијјәтә башлајыб. Буҝүнәдәк маршрут үзрә һәр ики истигамәтдә 20 футлуг ифадәдә 17 500 контејнер дашыныб.
2021-ҹи илин декабр ајында маршрута Түркијә дә гошулуб. Һазырда маршрут үзрә контејнер јүкләри Түркијәдән Бакы-Тбилиси-Гарс дәмирјолу хәтти илә, һәмчинин Ҝүрҹүстанын Поти вә Батуми лиманларындан Өзбәкистана, Түркмәнистана, Гырғызыстана вә әкс истигамәтдә дашыныр.
Маршрут үзрә јүкдашымаларын һәҹми 2021-ҹи илдә 2020-ҹи илә нисбәтән 101 фаиз артыб. Маршрут үзрә ән јахшы ҝөстәриҹи 2021-ҹи илин мајында әлдә едилиб. Белә ки, Түркијәнин Измир шәһәриндән Гырғызыстанын Ош шәһәринә контејнерләр 18 ҝүнә чатдырылыб. Операторларын мәгсәди бу истигамәт үзрә јүкдашыма мүддәтини 12 ҝүнәдәк азалтмагдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
