Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, АБШ-ын БМТ-дәки кечмиш сәфири Никки Һејли ҹүмә ахшамы билдириб ки, президент Ҹо Бајден вә онун витсе-президенти истефа вермәлидир.
Һилл хәбәр сајтынын мәлуматына ҝөрә, кечмиш Республикачы рәсми, Бајденин сон мәтбуат конфрансыны “тамамилә рүсвај едиҹи” вә онун Русија вә Украјна илә бағлы дедикләрини исә “мәлуматлара ујғун олмајан” адландырыб.
"Сиз һеч вахт картларынызы ҝөстәрмәмәлисиниз, хүсусән дә картыныз олмадыгда. Амма о (Бајден) мәһз белә етди"- дејә Никки Һејли билдириб.
Доналд Трамп администрасијасындакы кечмиш дипломат әлавә едиб: “Бајден өлкәмизи севирсә, о вә мүавини [Камала] Һаррис истефа вермәлидир. Әҝәр дүшмәнләримизә гаршы зәиф ҝөрүнсәк, онлар нә истәсәләр, едәҹәкләр”.
О, сөзүнүн давамында дејиб: “Мәним јеҝанә үмидим вә дуам одур ки, онлар өзләрини топарласынлар вә баша дүшсүнләр ки, мәсәлә тәкҹә Америка дејил, тәкҹә НАТО дејил, мәсәлә бизим һамымыз вә тәһлүкәсизлик мәсәләсидир. Бу, ҝүҹ вә гүдрәт мәсәләсидир”.
АБШ-ын БМТ-дәки кечмиш сәфири вурғулајыб: "Вәзијјәтә нәзәр салын. Биз тәһлүкәли вәзијјәтдәјик. О, (Бајден) Әфганыстаны мәһв етди. О, бизи Русија илә бу вәзијјәтдә гојду”.
Диггәт: Хәбәрдән Истифадә Етдикдә Мәнбәјә Истинад Лазымдыр!
