АБНА24 Хәбәр Верир, Ермәнистан һөкумәтинин башчысы бәјан едиб ки, әввәлләр Түркијә илә әлагәләр гурмаг мүмкүн олмајыб вә Ирәван һәмин тәҹрүбәдән истифадә етмәлидир.
“Бу ил дипломатик мүнасибәтләрин гурулмасы мүмкүндүрмү? Билмирәм, һәр шеј биздән асылы дејил. Амма һесаб едирәм ки, биз белә бир нәтиҹә әлдә етсәк, кифајәт гәдәр мәнтигли оларды: һәм дипломатик мүнасибәтләрин гурулмасы, һәм дә сәрһәдләрин ачылмасы”,- Никол Пашинјан дејиб.
Онун сөзләринә ҝөрә, Ермәнистан Анкара илә данышыгларын динамикасыны сахламагла Түркијә тәрәфинин Анталјада кечириләҹәк дипломатик форумда иштирак етмәк дәвәтини гәбул едә биләр.
“Артыг бизим Ермәнистан-Түркијә мүнасибәтләринин низамланмасы үзрә хүсуси нүмајәндәләрин ҝөрүшү олуб. Вә бу динамика давам едәрсә, о заман Ермәнистанын Анталјада кечириләҹәк дипломатик форумда иштирак етмә еһтималы јүксәкдир. Сөһбәти давам етдирмәк фүрсәтини әлдән версәк, мәнтигсиз оларды. Гејд едәк ки, бејнәлхалг иҹтимаијјәт мүнасибәтләрин һәлли просесини дәстәкләјир, о ҹүмләдән Русија, АИ, АБШ вә реҝион дөвләтләри”, - Пашинјан билдириб.
342/
25 yanvar 2022 - 13:32
Xəbər kodu: 1222401
Ирәван "сәмимијјәтлә" Анкара илә мүнасибәтләри нормаллашдырмаг, дипломатик әлагәләр гурмаг вә сәрһәдләри ачмаг истәјир”. ТАСС хәбәр верир ки, буну Ермәнистанын баш назири Никол Пашинјан онлајн мәтбуат конфрансында дејиб.
