Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, әлијевләр сүлалә режиминдә нөвбәти Аллаһ Еви вә ејни заманда да тарихи абидә олан Новханы гәсәбәсиндә јерләшән “Шаһ Султан Һүсејн” Мәсҹиди виран едиләрәрк зибилханаја чеврилиб.
Бирмәртәбәли, күрсүлү инша едилән Мәсҹид 4 отагдан вә ҝениш һәјәтдән ибарәт олуб вә 18-ҹи әсрин тарихи мемарлыг абидәсидир. Јерли сакинләрин Баку Тв-ә вердикләри мүсаһибәсиндә билдирдикләринә ҝөрә тәмир вә бәрпа ады илә Мәсҹидин јарысы дөвләт грумлары тәрәфиндән учурдулуб.
Сакинләр билдирир ки, кәнд бәләдијјәси тәрәфиндән топланан һејван леши вә диҝәр туллантылар бураја атылыр. Елә чәкилиш заманы да бәләдијјәјә мәхсус тракторун әразијә зибил бошалтдығынын шаһиди олдуг.
Мөвҹуд мәсәлә илә бағлы Новханы кәнд бәләдијјәсиндән билдирилиб ки, әразинин чиркләнмәси вә гәдим Мәсҹидин әтрафында антисанитар вәзијјәтин јаранмасына гурум ҹавабдеһ дејил.
Мәсәлә илә бағлы Мәдәнијјәт Назирлији јанында Мәдәни Ирсин Горунмасы Инкишафы вә Бәрпасы үзрә Дөвләт Хидмәтиндән исә билдирилиб ки, мәсҹидин јахынлығына мәишәт туллантыларынын атылмасынын гаршысынын алынмасы үчүн дәфәләрлә тәдбир ҝөрүлсә дә, ејни һал јенидән тәкрарланыб.
Әтрафлы Баку ТВ-нин сужетиндә:
Диггәт: Хәбәрдән Истифадә Етдикдә Мәнбәјә Истинад Лазымдыр!
