Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бриҹит Макронун транссексуал олмасы илә бағлы шајиәләри јајанлар онун интернетдә “шәҹәрә ағаҹы”ндакы мәлуматлары дәјишдирибләр.
РИА Новостинин мәлуматына ҝөрә, бу барәдә Франсанын биринҹи ханымы өзү мәлумат вериб.
“Әввәлҹә бу мәсәләләри узагдан изләдим, нә дедикләрини ешидирдим, бу шәҹәрәми дәјишдикләрини анлајана гәдәр давам етди... Гәфилдән мән өз гардашыма “чеврилдим”. Бурада сөһбәт валидејнләримин шәҹәрәсиндән ҝедир ки, бу да гәбуледилмәздир”, - дејә Франсанын биринҹи ханымы билдириб.
О, дөрд илдир ки, бу ҹүр бөһтанларла мүбаризә апардығыны вурғулајыб.
“Әҝәр һеч нә етмәсәм, сәсим ешидилмәјәҹәк. Мәнә дејәҹәкләр ки, сән һеч нә етмирсән... Бу мәлуматы силмәк үчүн вәкиллә беш ҝүн јарым вахт сәрф етдик”, - дејә Франса президентинин ханымы әлавә едиб.
Гејд едәк ки, Бриҹит Макрон бир мүддәт әввәл билдирмишдир ки, онун әслиндә Жан-Мишел Тронје (Троннје, Франса президентинин ханымынын гызлыг сојадыдыр) киши адлы илә доғулан шәхс олдуғуну вә сонрадан ҹинсијјәтини дәјишдији барәдә шајиәләри јајанлары һүгуг-мүһафизә органларына шикајәт едәҹәкдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
