АБНА24 Хәбәр Верир, Али Мәгамлы Рәһбәри Информасија порталынын мәлуматына ҝөрә, Һәзрәт Ајәтуллаһүл-үзма Хаменеи шәһид Һаҹы Гасим Сүлејманинин аилә үзвләри вә аным мәрасимләри тәшкилатчылари илә ҝөрүшдә бујурублар: "Дүшмәнләр Сүлејманинин, Әбу Меһдинин вә онун диҝәр јолдашларынын шәһадәти илә ишин битәҹәјини дүшүнүрдүләр, лакин бу ҝүн наһаг јерә төкүлән о әзиз ган сајәсиндә АБШ Әфганыстандан гачыб, Ирагда америкалылар ҝетмиш кими давранмаға вә һәрби варлығы олмадан, мәсләһәтчи ролу елан етмәјә мәҹбур олублар, ки, әлбәттә ираглы гардашларымыз бу мәсәләни ајыглыгла изләмәлидирләр. Јәмәндә мүгавимәт ҹәбһәси ирәлиләјир; Суријада дүшмән ҝәләҹәјә үмидсиз ифлиҹ вәзијјәтиндәдир вә үмумиликдә реҝионда мүгавимәт вә анти-империализм ҹәрәјан ики ил әввәлкиндән даһа фираван, даһа ҹанлы вә даһа үмидлидир".
О Һәзрәт, шәһид Сүлејманинин Ислам дүнјасы вә реҝион ҝәнҹләринин нүмунәси вә гәһрәманына чеврилмәсинә тохунараг, дејибләр: "Бу ҝүн Сүлејмани реҝионумузда үмид, өзүнә инам, рәшадәт символу вә дөзүм вә гәләбәнин сирридир вә бәзиләринин һаглы олараг, дедији кими, шәһид Сүлејмани дүшмәнләри үчүн ҝенерал Сүлејманидән даһа тәһлүкәлидир".
Һәзрәт Ајәтуллаһүл-үзма Хаменеи шәһид Сүлејманинин әбәди һәгигәт олараг, галаҹағыны бәјан едәрәк, әлавә едибләр: "Онун Трамп вә онун кими гатилләри тарихин унудулмушлары арасында олаҹаглар вә тарихин зибиллијиндә итиб-батаҹаглар, әлбәттә бу дүнјада етдикләри ҹинајәтин бәдәлини өдәдикдән сонра".
Ислам Ингилабынын Али Мәгамлы Рәһбәри империализмин шәһид Сүлејмани илә кибер мәканындакы дүшмәнчилијини онларын, һәтта шәһидин адындан вә о, дәјәрли нүмунәнин јајылмасындан горхдугларынын әламәти кими дәјәрләндириб.
342/
1 yanvar 2022 - 16:28
Xəbər kodu: 1214426
Иран Ислам Ингилабынын Али Мәгамлы Рәһбәри шәһид Сүлејманинин реҝион ҝәнҹләри арасында бир нүмунә олмасына тохунараг, бу әзиз шәһиди Иранын ән милли шәхсијјәти вә Ислам дүнјасынын ән мәшһур фигурларындан адландырыблар.
