АБНА24 Хәбәр Верир, сәфирлијин јајдығы бәјанатда дејилир:"Өзүнү Иран вәтәндашы кими тәгдим едән бир нечә шәхсин 28 декабр 2021-ҹи ил тарихдә Азәрбајҹан Республикасынын Ханкәнди шәһәриндә дөјүш јарышларында иштиракы илә бағлы билдирмәк истәрдик ки, Иран Ислам Республикасында гарышыг дөјүш нөвләри гејри-әнәнәви дөјүш идманы зоракылыг сәбәби илә, һәмчинин мәрҹлә әлагәси олдуғу үчүн рәсмән танынмыр вә гадаған олунмуш ојунлар сырасындадыр. Буна ҝөрә дә, бу дөјүш нөвүнүн Иран Ислам Республикасында һеч бир федерасијасы јохдур. Бу саһә илә мәшғул оланлар исә ҝизли вә гејри-гануни фәалијјәт ҝөстәрирләр.
Декабрын 28-дә Азәрбајҹан Республикасынын Ханкәнди шәһәриндә кечирилән јарышларын иштиракчыларынын Иран Ислам Республикасынын Идман Назирлији илә һеч бир әлагәси јохдур вә онлар дүнјанын истәнилән јериндә гејри-гануни олараг јарышларда иштирак едирләр.
Сәфирлик бу шәхсләрин Ханкәнди шәһәриндә ады кечән ганунсуз јарышларда иштиракы илә Иран Ислам Республикасынын Идман вә Ҝәнҹләр Назирлијинин сијасәти арасында әлагәнин олмадығыны бир даһа вурғулајыб.
342/
28 dekabr 2021 - 13:46
Xəbər kodu: 1213268
Иран Ислам Республикасы Азәрбајҹанын Ханкәнди шәһәриндә кечирилән гарышыг дөјүш нөвләри үзрә јарышда идманчыларынын иштирак етмәдијини ачыглајыб.
