АБНА24 Хәбәр Верир, Русија президенти Владимир Путин иранлы һәмкары Сејид Ибраһим Рәисини 2022-ҹи илин әввәлиндә Москваја сәфәрә дәвәт едиб.
Русија Мүдафиә Назирлијинин телеканалы ҹүмә ҝүнү Иран-Русија әлагәләринин сон 30 илдәки мүасир тарихини вә Совет Иттифагынын дағылмасындан сонра ики өлкә арасында әмәкдашлығын башланғыҹыны сәнәдләшдирәрәк, Иран-Русија стратежи сәнәдинин әһәмијјәтини вурғулајыб.
Сәнәдли програмда дејилир: "Иран Ислам Республикасы илә Русија Федерасијасы арасында гаршылыглы әлагәләр вә әмәкдашлыг принсипләри әсасында мүгавилә 2000-ҹи ил мартын 12-дә о вахткы президентин Русијаја сәфәри заманы Москвада имзаланыб. Иран вә Москва арасында јени сазишин әсас тәркиб һиссәләриндән бири һәрби вә техники-һәрби әмәкдашлыгдыр.
Сәнәдли филмдә даһа сонра дејилир ки, Иран вә Русија елми әмәкдашлыг вә габагҹыл технолоҝијалары инкишаф етдирмәк үчүн ҝениш имканлара маликдир: "Русија дүнјанын бөјүк вә апарыҹы елми ҝүҹүдүр вә Иранын да бу саһәдә ҝениш имканлары вар. 1979-ҹу илдән 2017-ҹи илә гәдәр иранлы мүтәхәссисләр вә алимләр 300 миндән чох елми вә тәдгигат наилијјәтләри вә кәшфләринә малик олублар вә бу дөврдә Иранда университет вә али тәһсил мәркәзләринин сајы 20 университетдән 2000-дән чох университет вә али тәһсил институтуна јүксәлиб. Иран Јахын Шәргдә космик програм гуран илк өлкә олуб".
Иран Ислам Республикасынын президенти Сејид Ибраһим Рәисинин Русијаја ҝөзләнилән сәфәри заманы Иран вә Русија арасында стратежи сәнәдин имзаланмасы планлашдырылыр.
Ҹәнаб Рәиси нојабрын 17-дә Русија президенти Владимир Путинә телефон данышығына ҝөрә тәшәккүр едиб вә Иран Ислам Республикасынын Русија илә тиҹарәт вә игтисади әлагәләри инкишаф етдирмәк нијјәтиндә олдуғуну билдириб вә әлавә едиб ки, биз ики өлкә арасында узунмүддәтли әмәкдашлыг һаггында һәртәрәфли сәнәди јекунлашдырмаға һазырыг ки, ики өлкә арасында мүнасибәтләрин вә әмәкдашлығын даһа да ҝенишләндирилмәси просеси сүрәтлә һәјата кечирилсин. Русија президенти Владимир Путин дә дејиб ки, Теһран вә Москва бир чох мәсәләләрдә ортаг мөвгеләри вә јахынлашмалары бөлүшүрләр: "Москва ики өлкә арасында узунмүддәтли әмәкдашлыға даир јени сәнәдин һазырланмасында Теһранын тәклифләрини дәстәкләјир вә биз ону тез бир заманда јекунлашдырыб һәјата кечирмәк әзминдәјик".
342/
26 dekabr 2021 - 13:18
Xəbər kodu: 1212520
Русијанын рәсми медиа органы Иран вә Русијанын 20 иллик стратежи сәнәд имзаламаға һазырлашдыгларыны вә бунун ики өлкә үчүн чох әһәмијјәтли бир разылашма олдуғуну ачыглајыб.
