АБНА24 Хәбәр Верир, Сејид Ибраһим Рәиси Теһранда Ирагын хариҹи ишләр назири Фуад Һүсејнлә ҝөрүшдә Ирагда парламент сечкиләринин динҹ вә тәһлүкәсиз кечирилмәсиндән разылыг ифадә едиб. Билдириб ки, Иран даима Ирагда ҝүҹлү мәҹлис вә һөкумәтин тәшкилинә дәстәк вериб.
Иран президенти әлавә едиб: Һәр бир демократик гурулушда сечкиләрә етираз баш верә биләр. Мүһүм олан мәсәлә будур ки, һәм етиразлар, һәм дә онлара бахылмасы гануни просесләрдә һәјата кечирилмиш олсун.
«Ирагда һәр һансы әмин-амансызлыг бизим үчүн, өлкәдә әмин-амансызлыг кимидир»- дејән Рәиси сөјләјиб: Ирагда сабитлијин һәдәләнмәси вә әмин-амансызлығын төрәдилмәси гәбуледилмәздир вә Иран Ислам Республикасынын принсипиал сијасәти, Ирагда сабитлијә вә бу өлкә һөкумәтинин гүдрәтинә дәстәкдир.
Иран Ислам Республикасынын президенти һәмчинин Американын һәрби гүввәләринин Ирагдан чыхмаларына ишарә илә, сөјләјиб: Бу мүвәффәгијјәт, Ирагын халгы вә рәсмиләринин мүгавимәтиндән ирәли ҝәлир, јохса американлар халгларын мүгавимәтләрилә үзләшдикләри һаллар истисна олмагла, һәрби мүдахилә етдикләри һеч бир јердән чыхмајыблар.
Иранын Јәмәндәки сәфирини ҝери гајтармаг үзрә сәјләринә ҝөрә Ираг һөкумәтинә миннәтдарлыг едән Рәиси билдириб ки, ҝениш вә дәрин дини, мәдәни вә тарихи ортаглыглара,/ достлуға сөјкәнән Иран-Ираг әлагәләри икитәрәфли, реҝионал вә бејнәлхалг мигјасларда өзүнәмәхсус әлагәләрдир. Бу әлагәләр сәвијјәсинин јүксәлдилмәси ики өлкәнин вә реҝионун хејринәдир.
Ирагын хариҹи ишләр назири Фуад Һүсејн дә бу өлкәнин халгы вә һөкумәти адындан, Ирагын суверенлији, тәһлүкәсизлији вә сабитлијинә гәтијјәтли вә даими дәстәк сијасәтинә ҝөрә, Иран Ислам Республикасына тәшәккүр едиб.
342/
24 dekabr 2021 - 10:06
Xəbər kodu: 1211794
Иран Ислам Республикасынын президенти Теһранын принсипиал сијасәтини Ирагда сабитлик вә тәһлүкәсизлијә дәстәк адландырыб.
