АБНА24 Хәбәр Верир, Ермәни тәрәфи Ҹәнуби Гафгаз үзрә "3+3" реҝионал мәшвәрәт платформасынын ҝөрүшләри Түркијә вә Азәрбајҹанда кечириләрсә, ораја ҝетмәјә вә бу өлкәләрин нүмајәндәләрини Јереванда гәбул етмәјә һазырдыр.
Буну Ермәнистанын Иҹтимаи телевизијасына мүсаһибәсиндә Тәһлүкәсизлик Шурасынын сәдри Армен Григорјан дејиб.
"Әҝәр сәбәб оларса, биз реҝионал проблемләрин мүзакирәләринин тәшкили үчүн ҝетмәјә вә бу өлкәләри өз евимиздә гәбул етмәјә һазырыг", - Григорјан дејиб.
О ејни заманда гејд едиб ки, ермәни-түрк мүнасибәтләри даһа чох икитәрәфли форматда мүзакирә олунаҹаг.
"Әҝәр "3+3" форматында да данышмаг үчүн әсас оларса, биз Түркијә илә әлагә гурмаг вә бир-биримизин мөвгејини мүәјјәнләшдирмәк үчүн ондан истифадә едәҹәјик", - ТШ сәдри дејиб.
Григорјан дејиб ки, реҝионал платформанын ҝүндәлији һәләлик мүзакирә мәрһәләсиндәдир вә орада "диҝәр реҝионал суаллар вә ја игтисади имканлар, мәсәлән, су еһтијатларындан истифадә" нәзәрдән кечирилә биләр.
Бу јахынларда Түркијә ХИН рәһбәри Мөвлуд Чавушоғлу билдирмишди ки, Ермәнистанла мүнасибәтләрин нормаллашмасы үчүн гаршылыглы олараг хүсуси нүмајәндәләр тәјин олунаҹаг. Һәмчинин Јереванла чартер авиасија рејсләри дә ачылаҹаг.
342/
23 dekabr 2021 - 12:44
Xəbər kodu: 1211566
Ермәнистанын Тәһлүкәсизлик Шурасынын сәдри Бакы вә Анкараја ҝетмәјә һазыр олдугларыны билдириб.
