АБНА24 Хәбәр Верир, Аҝентлик дипломатик мәнбәләрдән алдығы мәлумата истинад едәрәк јазыр: Әмир Абдулаһиан Бакыја сәфәриндә Азәрбајҹан Республикасынын хариҹи ишләр назири Ҹејһун Бајрамовла данышыглар апараҹаг, һәмчинин президент Илһам Әлијев илә ҝөрүшәҹәк.
Мәлуматда Һүсејн Әмир Абдуллаһианын парламентин спикери Саһибә Гафарова илә ҝөрүшәҹәји дә билдирилир.
Мәлумата ҝөрә, данышыгларын мөвзусу игтисади әлагәләрин инкишаф етдирилмәси, азад олунмуш әразиләрин бәрпасында Иран тәрәфинин иштиракы, һәмчинин Иран Астарасындан Азәрбајҹан васитәсилә Ҝүрҹүстана вә Гара дәниз лиманларына нәглијјат дәһлизинин ишә салынмасы мәсәләләри олаҹаг.
Иранын Хариҹи Ишләр Наизрлијинин сөзчүсү Сәид Хәтибзадә дә дүнән вердији ачыгламада Иранын хариҹи ишләр назири Әмир Абдуллаһианын ҹари һәфтәнин сонунадәк Азәрбајҹан Республикасына рәсми сәфәр едәҹәјини билдирмишдир. Хәтибзадәјә ҝөрә сәфәрдә ики өлкә арасындакы разылашмаларын иҹрасы илә бағлы мәсәләләр мүзакирә едиләҹәк.
342/
21 dekabr 2021 - 13:13
Xəbər kodu: 1210820
Туран Информасија Аҝентлији декабрын 22-дә Иранын хариҹи ишләр назири Әмир Абдуллаһиан Бакыја сәфәриндән хәбәр вериб.
