АБНА24 Хәбәр Верир, Лондонда чыхан Индепендент гәзетинә көшә јазары Јылдыз Девеҹи Бозкуш-ун гәләмә алдығы мәгаләдә дејилир:
Хариҹи ишләр назири Мөвлуд Чавушоғлунун 2021-ҹи ил декабрын 14-дә бүдҹә мүзакирәләри заманы Түркијә-Ермәнистан мүнасибәтләри илә бағлы ачыгламасы ики өлкә арасында мүнасибәтләрдә јени дөврүн башланғыҹына ишарә етмәси бахымындан өнәмли иди. Чүнки сәрһәдләр бағлы олдуғу мүддәтдә 1915-ҹи ил һадисәләри ики өлкә арасындакы мүнасибәтләрдә Демокл гылынҹы кими јелләнмәјә давам едирди.
Мүәллиф һесаб едир ки, диалогун олмамасы бир чох башга мәсәләләрдә олдуғу кими, Түркијә-Ермәнистан мүнасибәтләриндә дә бејнәлхалг иҹтимаијјәт тәрәфиндән тез-тез ҝүндәмә ҝәтирилән вә тәнгид едилән мәсәлә олуб. Һазырда мүнасибәтләр нормаллашаҹағы тәгдирдә јахын ҝүнләрдә сәфирлијин ачыла биләҹәји билдирилсә дә, бунун үчүн тәрәфләрин етимады артырмаг мәгсәдилә мүәјјән аддымлар атмалы олдуғу вурғуланыр. Бу бахымдан Түркијә-Ермәнистан мүнасибәтләриндә тарихи дөнүш олдуғуну сөјләмәк олар.
Әслиндә, 1993-ҹү илдән бәри мүнасибәтләрдә 30 иллик фасиләдән сонра атылан бу аддымлар бүтүн тәрәфләр үчүн мүсбәт аб-һаванын јарадылмасы бахымындан әһәмијјәтлидир.
Бу инкишафлардан сонра нормаллашма просесиндә Түркијә илә Ермәнистан арасында дипломатик мүнасибәтләрин гурулмасы илә һәр ики тәрәфә сәфирликләрин тәјин едилмәси даһа бир мүһүм аддым олаҹаг. Һазырда тәјин олунан хүсуси нүмајәндәләрин мүзакирә едәҹәји мәсәләләр арасында илк нөвбәдә нормаллашма просесинин неҹә изләнәҹәји, даһа сонра исә сијаси, һүгуги, игтисади вә мәдәни мәсәләләри өзүндә бирләшдирән јол хәритәси олаҹаг.
Мәгаләдә дејилир: Нормаллашма просеси кечән 24 апрелдә гәбул едилән “сојгырым” гәрары илә даһа да ҝәрҝинләшән Түркијә-АБШ мүнасибәтләринә дә мүсбәт тәсир ҝөстәрә биләр.
Диҝәр тәрәфдән бу просесдә Ҹәнуби Гафгазда сүлһ, әмин-аманлыг вә сабитлијин бәргәрар олмасы вә горунуб сахланмасы бүтүн реҝион өлкәләринин хејринә олаҹаг вә нормаллашма һамыја фајда верәҹәк. Чүнки хариҹи инвесторларын реҝиона бир чох саһәләрдә, хүсусилә нәглијјат, енержи вә инфраструктур саһәләриндә инвестисија гојмасына јол ачаҹаг.
342/
20 dekabr 2021 - 16:09
Xəbər kodu: 1210502
Түркијәнин лидерлији Ермәнистанла проблемләри диалог јолу илә һәлл етмәк гәрарына ҝәлиб.
