АБНА24 Хәбәр Верир, университет мүәллими өз шәрһиндә јазыр: "Јухары Гарабағдакы гондарма, сепаратчы режимин истәнилән фәалијјәтинин һүгуги әсасы јохдур. Чүнки бүтүн бејнәлхалг сәнәдләр, о ҹүмләдән БМТ гәтнамәләри, Авропа Шурасы, Авропа Иттифагынын гәрарлары бу әразиләри Азәрбајҹанын ајрылмаз һиссәси кими гәбул едир. Одур ки, ермәни сепаратчыларынын “парламентинин” һәр-һансы “ганун” гәбул етмәк вә башга фәалијјәт ҝөстәрмәси гејри-ганунидир."
Сабир Мәммәдли һесаб едир ки, јени тәјинатлы полис дәстәсинин јарадылмасы илк нөвбәдә гондарма режим рәһбәрләринин садә әһали гаршысындакы горхусундан ирәли ҝәлир. "Онлар баша дүшүрләр ки, бир мүддәтдән сонра садә ермәниләр Азәрбајҹана лојал мүнасибәт бәсләјәҹәкләр, онун ганунларына табе олаҹаглар, ҝәләҹәкдә вәтәндашлығыны гәбул едәҹәкләр. Ермәниләрин бу ҹүр мүраҹиәтләри артыг хырда-хырда сызмагдадыр. Зира Гарабағда олан ермәни әһалиси даими ишсиз отуруб, јалныз Русијанын вә Ермәнистанын һуманитар јардымы илә јашаја билмәз. Бундан башга террорчу режим өз агибәтиндән горхур. Ејни заманда сепаратчыларын апарыҹы гүввәләри өз мәгсәдләриндән, јәни Азәрбајҹандан ајрылмаг мәгсәдләриндән һәлә дә әл чәкмәк истәмирләр. Бүтүн бунлара ачыг вә ҝизли дәстәк верән исә Русијадыр. Амма ермәниләр баша дүшмүрләр ки, Русија онлары јалныз маша кими истифадә едир, бунунла да Ҹәнуби Гафгазда өз мөвҹудлуғуну узадыр", - дејә Бакы Дөвләт Университетинин Журналистика факүлтәсинин Бејнәлхалг журналистика кафедрасынын досенти өз шәрһиндә гејд едир.
342/
15 dekabr 2021 - 20:27
Xəbər kodu: 1208995
Бакы Дөвләт Университетинин досенти, сијаси елмләр доктору Сабир Мәммәдли Сәһәр Каналы үчүн јаздығы шәрһдә ермәни сепаратчыларынын полис гошуну јаратмаг ҹәһдләринин әбәс аддым олдуғуну билдириб.
