АБНА24 Хәбәр Верир, президент Илһам Әлијев вә Ермәнистанын баш назири Никол Пашинјан Белчиканын пајтахты Брүсселдәдирләр.
Тәдбир чәрчивәсиндә Пашинјанын авропалы һәмкарлары вә Авропа Иттифагы Шурасынын президенти Шарл Мишеллә икитәрәфли ҝөрүшләри, һәмчинин Азәрбајҹан президенти Илһам Әлијевлә үчтәрәфли ҝөрүшү нәзәрдә тутулуб.
Декабрын 15-дә исә Брүсселдә Азәрбајҹан президенти Илһам Әлијевлә Ермәнистанын баш назири Никол Пашинјан арасында Авропа Иттифагы Шурасынын рәһбәри Шарл Мишелин иштиракы илә үчтәрәфли ҝөрүш олаҹаг. Бу барәдә Брүсселдә, “Шәрг Тәрәфдашлығы” өлкәләринин декабрын 15-дә кечириләҹәк саммити әрәфәсиндә журналистләрә Авропа Иттифагынын јүксәк рүтбәли нүмајәндәси билдириб.
Мүшаһидәчиләр билдирирләр ки, Русија президенти Владимир Путинин дәвәти илә Сочидә кечирилән сон ҝөрүшүн Брүссел ҝөрүшүнә мүтләг мәнада тәсири олаҹаг. Чүнки Сочи ҝөрүшү нөвбәти Брүссел ҝөрүшүндән даһа әһәмијјәтли мүзакирә ҝөрүшү олмушдур.
Анҹаг Гајнаринфо-ја ачыгламасында ГАФСАМ сәдри Араз Асланлы билдириб ки, Азәрбајҹан, о ҹүмләдән Ермәнистан да просесин бир дөвләтин монополијасында галмасыны истәмир. Әлбәттә ки, бу ики ҝөрүшү тәшкил едәнләр ону өз араларында рәгабәт мөвзусуна чевирсәләр, даими сүлһү әлдә етмәк дә чәтинләшәҹәк”.
Тәшкилат рәһбәри билдирир ки, һамынын реҝионда сүлһ истәдијинә там әмин дејилик: "Амма ондан әминик ки, мүхтәлиф дөвләтләр просесдә мәркәз ролунда чыхыш етмәк истәјир. Она ҝөрә дә Сочи вә ардынҹа олаҹаг Брүссел ҝөрүшләри бир-биринин давамыдыр. Буна да садәҹә сүлһүн әлдә олунмасы бахымындан јох, мүхтәлиф мараглы дөвләтләрин просеси нәзарәтдә сахламаг тәшәббүсү мәнасында да бахмалыјыг. 30 ил әрзиндә бүтүн мәрһәләләрдә тәхминән бу ҹүр мәнзәрә илә гаршылашмышыг”.
Милләт вәкили, Милли Мәҹлисин Елм вә Тәһсил Комитәсинин сәдр мүавини, профессор Муса Гасымлы исә Јени Мүсават гәзети илә мүсаһибәдә билдириб ки, бундан сонра бүтүн просесләр Ермәнистан үчүн удушсуздур. Онун сөзләринә ҝөрә, бундан әввәл Авропа Иттифагы Азәрбајҹана дејирди ки, коммуникасијалары ачын вә Азәрбајҹан ишғала ҝөрә буна разылыг вермирди: “Брүссел ҝөрүшү Ермәнистан үчүн уғурсуз олаҹаг. Ахәрбајҹан ора бөјүк зәфәр газанмыш һалда ҝедирә Авропа Иттифагына дејәҹәк ки, сиз о заман дејирдиз ки, ишғала сон гојулсун, коммуникасијалар ачылсын. Инди коммуникасијалары ким ачсын?”
Екс хариҹи ишләр назири Тофиг Зүлфүгаров дә һесаб едир ки, бу ҝөрүшдән ҹидди дәјишикликләри ҝөзләмәк дүзҝүн олмаз.
342/
14 dekabr 2021 - 19:08
Xəbər kodu: 1208663
Азәрбајҹан вә Ермәнистанын дөвләт башчылары Авропа Иттифагынын Шәрг Тәрәфдашлығы Програмынын ВЫ саммитиндә иштирак етмәк үчүн Брүсселә ҝедибләр. Саммитин кәнарында онларын икитәрәфли ҝөрүшү планлашдырылыб.
