АБНА24 Хәбәр Верир, "Франс Пресс"ин мәлуматына ҝөрә, бу Түркијә игтисадијјатынын һәфтәләрдир јашадығы тәлатүмләр фонунда кечирилән илк бөјүк аксијадыр.
Әсас һәмкарлар иттифагынын чағырышы илә күчәләрә чыхан нүмајишчиләр шүарлар сәсләндирәрәк, һөкумәти вәзијјәтә сон гојмаг үчүн тәсирли тәдбирләр ҝөрмәјә чағырыблар.
Бундан әввәл дә Түркијәнин пајтахты Анкарада инсанлар күтләви аксија кечирәрәк, "Һөкумәт истефа версин" вә "Кечә билмәрик" кими шүарлары сәсләндириб, бу өлкәдә игтисади вәзијјәтин писләшмәсинә етираз едибләр.
Мүстәгил Инфлјасија Арашдырма Групунун арашдырмасына ҝөрә, Түркијәдә реал иллик инфлјасија 58 фаиздән чохдур. Амма Түркијәнин Статистика Мәркәзи даһа әввәл нојабр ајында инфлјасија нисбәтини 21,31 фаиз елан етмишди.
Бу мәнзәрәни даһа да писләшдирән түрк лирәсинин илин әввәлиндән доллара нисбәтдә 45 фаиздән чох, октјабрын сонундан исә тәхминән 30 фаизә јахын дәјәр итирмәсидир.
Түрк лирәсинин девалвасијасы, инфлјасија вә бунун нәтиҹәсиндә әһалинин јохсуллашмасы президент Рәҹәб Тајјиб Әрдоғанын рејтингини ҝөрүнмәмиш шәкилдә ашағы салыб.
342/
13 dekabr 2021 - 13:38
Xəbər kodu: 1208125
Минләрлә Истанбул сакини артан инфлјасијаја вә алыҹылыг габилијјәтинин ашағы дүшмәсинә етираз олараг, аксија кечириб.
