АБНА24 : президенти Сејид Ибраһим Рәиси бу сөзләри Иранын хариҹдәки вә гоншу өлкәләрдәки сәфир вә нүмајәндәләринин иштиракы илә Теһранда кечирилән ҝөрүшдә дејиб.
О, әлавә едиб: "Иранын мөвҹуд имканларыны нәзәрә алараг, гоншуларла мүбадиләләри ҝенишләндирмәк мүмкүндүр вә бу мәсәләдә Хариҹи Ишләр Назирлијинин ролу чох мүһүмдүр".
Иран Ислам Республикасы президенти санксијалары зәрәрсизләшдирмәк вә арадан галдырмаг үчүн Ислам Республикасынын ики стратеҝијасына тохунараг дејиб: "Бәзиләри Иран Ислам Республикасынын данышыглар апармаг истәмәдијини, бәзиләри исә Иранын данышыгларда ҹидди олмадығыны вә ја һеч бир планынын олмадығыны иддиа едирди; Лакин Ислам Республикасы данышыгларда ләјагәтлә иштирак етди вә тәклиф олунан мәтни тәгдим етмәклә данышыгларда ҹидди олдуғуну ҝөстәрди".
Иранын иҹра һакимијјәтинин башчысы вурғулајыб: "Әҝәр гаршы тәрәф Ирана гаршы залымҹасына санксијалары арадан галдырмагда гәрарлы оларса, јахшы разылашма әлдә олунаҹаг вә биз мүтләг јахшы разылашманын ардынҹајыг".
Иран Ислам Республикасы президенти чыхышынын диҝәр бир һиссәсиндә бәзи реҝион өлкәләринин сионист режимлә мүнасибәтләри нормаллашдырмаға чалышдығыны тәнгид едәрәк, дејиб: "Бу нормаллашма нә бу өлкәләрин, нә дә сионист режимин тәһлүкәсизлијини тәмин етмир".
Иранын иҹра һакимијјәтинин башчысы әлавә едиб: "Бәзи өлкәләр сионистләрлә мүнасибәтләрини нормаллашдырмаға вә Исраили реҝион өлкәләринин сәрһәдләринә јахынлашдырмаға чалышырлар, лакин бу һәрәкәт онлара фајда вермәјәҹәк".
Рәиси Иран Ислам Республикасыны реҝион өлкәләрин хејирхаһы адландырыб вә дејиб: "Ислам Республикасы илә әлагәләр вә мүхтәлиф саһәләрдә Иранла гаршылыглы әмәкдашлыг реҝионда тәһлүкәсизлијә вә сүлһүн јајылмасына төһфә верә биләр".
Иран Ислам Республикасы президенти һәмчинин Әфганыстанын проблемләрини әҹнәбиләрин бу өлкәдә варлығындан гајнагландығыны билдириб вә дејиб: "Әфганыстан НАТО вә АБШ-ын ҝәлишиндән сонра хош ҝүн ҝөрмәјиб вә америкалыларын варлығынын нәтиҹәси наркотик бәласыны әнәнәвидән сәнаје форматына чеврилмәсидир".
342/
11 dekabr 2021 - 13:28
Xəbər kodu: 1207434
Иран Ислам Республикасы президенти дејиб: "Гоншулуг сијасәти вә санксијаларла мүбаризә апармаг вә онлары зәрәрсизләшдирмәк үчүн гоншуларла әлагә Иран Ислам Республикасы үчүн бир тактика дејил, стратеҝијадыр".
