АБНА24 Хәбәр Верир, Ислам Әмәкдашлығы Тәшкилатына үзв өлкәләрин парламентләрарасы бирлијинин Фәләстин мәсәләси вә әфганларын ислами өлкәләрә мүһаҹирәти мөвзулары илә кечирилән јығынҹағында иштирак мәгсәдилә дүнән Истанбула дахил олан Иран Ислам Шурасы Мәҹлисинин сәдри Мәһәммәд Багир Галибаф бу ҝүн ҝүнортачағы Түркијә парламентинин сәдри Мустафа Шентопла ҝөрүшүб.
Галибаф бу ҝөрүшдә белә дејиб: Иран дөвләти вә мәҹлисинин приоритети гоншу вә ислами өлкәләрлә әмәкдашлығын ҝенишләндирилмәсидир. Үмид едирәм ки, јахын ҝәләҹәкдә ики өлкәнин стратежи разылашмасы јекунлашаҹаг вә Иран-Түркијә әлагәләринин инкишафы үзрә јол хәритәси тәјин едиләҹәк, зира шүбһәсиз, ики өлкә јахын икитәрәфли һәмкарлыгларла реҝионал вә бејнәлхалг олајларда тәсирли рол ојнаја биләҹәкләр.
Иранын ганунвериҹилик органынын башчысы сонра билдириб ки, реҝионда ики өлкәнин тәсирли олмајаҹағы бир мәсәлә јохдур.
Американын Иранла дүшмәнчилији вә Түркијәјә гаршы сон тәзјигләр Иран вә Түркијәнин реҝиондакы тәсир ҝүҹү вә ики өлкәнин гүдрәти вә јеринин дәркиндә көкләрә маликдир.
Мустафа Шентоп да белә сөјләјиб: Тәәссүфлә, корона пандемијасына ҝөрә, Ислами Әмәкдашлыг Тәшкилатына үзв өлкәләрин парламентләрарасы бирлијинин ролу зәифләјиб. Ислами өлкәләрин проблемләри барәдә аһәнҝдар тәдбирләр вә јахын һәмкарлыгла бир даһа бу бирлијин јерини ҝүҹләндирмәлијик.
Шентоп бәзи өлкәләрдә олан, амма азлыг тәшкил едән мүсәлманларын һүгуглары комитәсинин јарадылмасына тәкидлә билдириб ки; Фәләстин мәсәләси даима бизим иш ҝүндәмимиздә дуруб вә реҝионал вә бејнәлхалг тәшкилатларда ону ирәли сүрмүшүк.
Шентоп даһа сонра вурғулајыб: Иран вә Түркијәнин реҝиондакы јерләринә вә үзләшдијимиз ортаг проблемләрә әсасән, сәрһәдләрдә тәһлүкәсизлијин артырылмасы вә террор груплары илә мүбаризә үчүн габилијјәтләрин бирҝә формада артырылмасы ики өлкәнин диггәт мәркәзиндә дурмалыдыр.
342/
10 dekabr 2021 - 10:00
Xəbər kodu: 1207071
Иран вә Түркијәнин парламент сәдрләри ики өлкәнин реҝиондакы јеринә вә бејнәлхалг олајлара тәкидлә икитәрәфли әмәкдашлыглар сәвијјәсинин јүксәлдилмәси вә Теһран-Анкара әһатәли әмәкдашлыглар сәнәдинин јекунлашдырылмасына тәкид едибләр.
