АБНА24 Хәбәр Верир, үч өлкәнин ХИН башчыларынын бирҝә бәјанатында дејилир ки, һәмсәдр өлкәләр реҝионда дајаныглы сүлһү тәшвиг етмәк үчүн тәрәфләри Ермәнистан вә Азәрбајҹан хариҹи ишләр назирләринин сентјабрда Нју-Јоркда вә нојабрда Парисдә кечирилмиш ҝөрүшләриндә башлајан диалогу, һәмчинин дөвләт рәһбәрләри сәвијјәсиндә әлагәләри давам етдирмәјә чағырырлар.
Һәмсәдр өлкәләр һәмчинин Ермәнистаны вә Азәрбајҹаны тәһрикедиҹи риторикадан вә тәхрибат характерли һәрәкәтләрдән чәкинмәјә чағырараг өз өһдәликләри вә атәшкәс һаггында әлдә едилмиш диҝәр разылыглары там јеринә јетирмәјә чағырмышлар.
Үч назир ејни заманда "сәрһәдләрин делимитасијасы вә демаркасијасы вә игтисади әлагәләрин вә нәглијјат әлагәләринин бәрпасы кими низамланмамыш диҝәр мәсәләләрин һәлли үзәриндә конструктив ишләмәк" зәрурәтини гејд едибләр.
Һәмсәдр өлкәләр ејни заманда Ермәнистана вә Азәрбајҹандан истәјибләр ки, бејнәлхалг һуманитар һүгугун тәләбләринә риајәт етмәклә өһдәликләрини јеринә јетирсинләр.
Бундан әлавә һәмсәдр өлкәләр ҝәләҹәк гаршылыглы фәалијјәтләр үчүн ҝүндәликлә бағлы разылыг әлдә етмәк мәгсәди илә АТӘТ МГ һәмсәдрләрини ән гыса заманда реҝионда гәбул етмәјә, онлара вәзијјәти јерләрдә илк әлдән гијмәтләндирмәк имканы вермәјә чағырыблар.
Азәрбајҹан Республикасы ондан еһтијатланыр ки, Минск Групунун јенидән фәаллашмасы бу өлкәјә һеч нә јахшы вәд етмир вә һәмсәдрләри даһа чох Гарабағын статусу мәсәләси марагландырыр. Президент Әлијев һәмсәдрләрлә сон ҝөрүшүндә онлары чағырылмамыш гонаг адландырмышды. Азәрбајҹанда әксәр сијасәтчиләр сөзү ҝедән групун бурахылмасыны тәләб едирләр.
342/
9 dekabr 2021 - 16:31
Xəbər kodu: 1206918
АТӘТ-ин Минск Групунун һәмсәдри олан өлкәләри хариҹи ишләр назирләри Ермәнистан вә Азәрбајҹан арасында Минск Групу һәмсәдрләринин һимајәси алтында бирбаша диалогун бәрпасына дәстәк ифадә едирләр.
