Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија президентинин Сурија үзрә хүсуси нүмајәндәси Лаврентјев вә Русија хариҹи ишләр назиринин мүавини Варшинин башчылыг етдикләри нүмајәндә һејәти илә икитәрәфли мүнасибәтләри вә хүсусилә Суријада реҝионал әмәкдашлығы мүзакирә етмәк үчүн Дәмәшгә сәфәр етдикдән сонра Теһрана ҝедиб вә базар ҝүнү ҝүнортадан сонра хариҹи ишләр назири Һүсејн Әмир Абдуллаһиан илә ҝөрүшүбләр.
Ики өлкә арасында реҝионал әмәкдашлыға тохунан Әмир Абдуллаһијан ики өлкәнин Суријада бирҝә әмәкдашлығыны, Сурија һөкумәтинин ирадәси вә суверенлији чәрчивәсиндә формалашдығыны вурғулајараг тамамилә уғурлу тәҹрүбә кими гијмәтләндириб.
Иранын хариҹи ишләр назири Суријада терроризмлә мүбаризәдә Иран-Русија бирҝә әмәкдашлығынын уғурлу тәҹрүбәсиндән јарарланмағын ваҹиблијини вурғулајыб. О, Суријанын јенидән гурулмасы вә бу өлкәдә сабитлијин бәргәрар олмасы үчүн игтисади саһәдә рол ојнамаг мәгсәди илә ики өлкә арасында сых әмәкдашлыг үчүн бу моделдән истифадә етмәјә чағырыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
