Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын Әфганыстандакы сәфиринин мүавини “Сејјид Һәсән Мүртәзәви” Кабилдәки бир сыра иранлы дипломатларла бирликдә Ҹүмә Намазы иштиракчылары арасында Дәшти-Бәрчидәки Әбасалеһ Әл-Меһди (ә) мәсҹидиндә иштирак едиб вә дејиб: “Әфган халгынын, хүсусән дә Шиәләрин тәһлүкәсизлијинин тәмин едилмәси Иран Ислам Республикасынын Әфганыстандакы әсас ҝөзләнтиләриндән биридир вә үмид едирик ки, Талибан тәрәфиндән һазырланмыш тәһлүкәсизлик тәдбирләри илә Әфганыстанда террор һадисәләринин даһа шаһиди олмајаҹағыг.”
Мүртәзәви Кабилин гәрбиндә баш вермиш террор һадисәләри шәһидләринин хатирәсини јад едәркән әлавә едиб: “Иран Ислам Республикасы бүтүн ҝүҹү илә Әфганыстан халгынын јанындадыр вә бу өлкәдә там сүлһ вә сабитлијин бәргәрар олмасы үчүн сәј ҝөстәрир.”
О, әлавә едиб: "Талибан сон террор һадисәләриндән сонра тәһлүкәсизлик тәдбирләрини артырыб, хүсусән дә Кабилин гәрбиндә Һәзараларын мәскунлашдығы әразиләрдә, лакин тәәссүф ки, террор һадисәләринин гаршысы һәлә там алынмајыб".
Диггәт: Хәбәрдән Истифадә Етдикдә Мәнбәјә Истинад Лазымдыр!
