АБНА24 Хәбәр Верир, һеч бир дөвләт вә бејнәлхалг гурум тәрәфиндән танынмајан сахта гурумун рәмзи олдуғуну билә-билә бир абидәнин ачылышына иҹазә верирмәклә Бирләшмиш Штатлар һөкумәти бир даһа Ермәнистанын вә Гарабағ сепаратчыларынын тәәссүбүнү чәкдијини нүмајиш етдириб.
Америкада Азәрбајҹан Республикасынын ајрылмаз парчасы олан вә 44 ҝүнлүк савашдан сонра да бир һиссәси Русија “сүлһмәрамлы” континҝентинин мәсулијјәт зонасы елан едилмиш Гарабағ торпагларында 30 илдән чохдур гондарылмыш сепаратчы режимин рәмзләрини әкс етдирән абидә гојулуб.
Мәлуматда дејилир ки, Американын Оһајо штатынын Кливленд шәһәриндә үзәриндә Артсахы тәҹәссүм етдирән мәшһур “Биз вә дағларымыз” абидәсинин тәсвири вә Артсах бајрағынын әкс олундуғу абидәнин ачылышы олуб.
Хатырладаг ки, Гарабағ ермәниләринин вәзијјәти 44 ҝүнлүк мүһарибәдән сонра АБШ-ын һакимијјәт органларынын диггәтиндән кәнарда галмыр вә онлар вахташыры сепаратчылара бу вә диҝәр јолларла дәстәк верирләр. Бунунла әлагәдар бу јахынларда АБШ Сенатынын малијјә комитәси Дағлыг Гарабағын ермәниләр јашајан әразисиндә миналардан тәмизләмә вә партламамыш һәрби сурсатларын зәрәрсизләшдирилмәси үчүн 2 милјон доллар ајрылдығыны ачыглајыб.
Сенаторлар өз ачыгламаларында билдирибләр ки, Бирләшмиш Штатлар һөкумәти Гарабағ ермәниләринин тәһлүкәсизлијини тәмин етмәк вә онларын һәјат шәраитини јахшылашдырмаг үчүн әлиндән ҝәләни едәҹәкдир.
Бирләшмиш Штатлар 2020-ҹи ил нојабр ајы да “Дағлыг Гарабағ мүнагишәсиндә зәрәр чәкән әһалијә јардым” мәгсәдилә Бејнәлхалг Гырмызы Хач Комитәсинә 5 милјон доллар ајырмышды.
Диҝәр тәрәфдән һазырда рәсми Бакынын етиразларына бахмајараг, АБШ һөкумәти Гарабағ мүнагишәсинин битмәдијини билдирмәклә бу бөлҝәјә јени статусун верилмәсиндә исрарлыдыр.
АБШ президенти Ҹо Бајденин мөвгеји беләдир ки, “Ермәнистан халгы тәһдидләр, о ҹүмләдән Дағлыг Гарабағда һәрби әмәлијјатларла бағлы тәһдидләрлә үзләшиб, бу да фаҹиәви иткиләрә сәбәб олуб. Она ҝөрә дә АБШ ермәни халгынын аҹысына ортаг олараг, АТӘТ-ин Минск Групу форматында вә диҝәр реҝионал форматларда реҝионал сабитлијин тәмин едилмәси вә мүнагишәнин низамланмасы үчүн Ермәнистан һөкумәти илә әл-әлә ишләјәҹәк”.
Буну Ермәнистанын мүстәгиллијинин 30 иллији илә әлагәдар Никол Пашинјана јаздығы мәктубда Америка президенти ифадә етмишди.
342/
17 noyabr 2021 - 12:09
Xəbər kodu: 1199427
Америкада Азәрбајҹан Республикасынын ајрылмаз парчасы олан Гарабағ торпагларында гондарылмыш сепаратчы режимин рәмзләрини әкс етдирән абидә гојулуб.
