Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Ордусунун Һәрби Дәниз Гүввәләри дүнја халгларына вә дөвләтләринә гаршы террор әмәлијјатлары кечирән НАТО гүввәләри илә бирликдә тәлимләр кечиб.
Белә ки, Түркијә Республикасында кечирилән “Доғу Акдениз-2021” чохмилләтли дәниз тәлиминдә НАТО-нун Әмәлијјат Имканлары Консепсијасы (ӘИК) Програмы чәрчивәсиндә Ортаг Гүввәләр Бирлијинә бәјан едилмиш Азәрбајҹан Ордусунун Һәрби Дәниз Гүввәләринин Ҝәми Ахтарыш Групунун икинҹи сәвијјәли гијмәтләндирилмәси кечирилиб.
Бу барәдә Мүдафиә Назирлији мәлумат јајыб.
Билдирилиб ки, Ҝәми Ахтарыш Групунун гијмәтләндирилмәси чохмилләтли гијмәтләндириҹиләр тәрәфиндән һәјата кечирилиб вә НАТО-нун Һәрби Дәниз Гүввәләри Команданлығыны тәмсил едән Мүшаһидә Һејәти тәрәфиндән изләнилиб.
Тәлимдә шәрти террорчу груп тәрәфиндән зәбт едилән ҝәмијә сүрәтли шәкилдә катерлә јахынлашма, террорчуларын зәрәрсизләшдирилмәси, ҝәминин азад едилмәси вә ҝәми һејәтинин тәһлүкәсиз шәраитдә тәхлијәси тапшырыглары јүксәк пешәкарлыг нүмајиш етдириләрәк дәгиг вә еффектив јеринә јетирилиб.
Гејд едәк ки, гијмәтләндирилмәнин кечирилмәсиндә мәгсәд НАТО-нун Ортаг Гүввәләр Бирлијинә бәјан едилмиш бөлмәләрин дөјүш һазырлығынын, фәалијјәтинин вә тәҹһизатынын НАТО стандартларына ујғунлуғунун јохланылмасындан ибарәтдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
