АБНА24 Хәбәр Верир, Азәрбајҹан Президенти Илһам Әлијевин һимајәси алтында вә Низами Ҝәнҹәви Бејнәлхалг Мәркәзинин тәшкилатчылығы илә “ҸОВЫД-19-дан сонракы дүнја” мөвзусунда Глобал Бакы Форуму чәрчивәсиндә кечирилән "Ҹәнуби Гафгаз: реҝионал инкишаф вә әмәкдашлыг үчүн перспективләр" мөвзусунда панелдә чыхыш едән Һикмәт Һаҹыјев дејиб ки, Дағлыг Гарабағ мүнагишәсинә артыг сон гојулуб, артыг Гарабағ Азәрбајҹанын дахили ишидир: “Анҹаг Ермәнистан вә Азәрбајҹан арасында бирбаша мүнасибәт, әлагә јохдур. Зәнҝәзур дәһлизинин ачылмасы реҝионда нәглијјат әлагәләринин бәрпа олунмасыны тәмин едәҹәк. Азәрбајҹан Ермәнистанла сәрһәдләрин делимитасија вә демаркасијасына башланмасыны, сүлһ мүгавиләсинин имзаланмасыны истәјир. Бир даһа вурғуламаг истәјирәм ки, Франса вә Алманија арасында олдуғу кими Азәрбајҹанла Ермәнистан арасында да сүлһ мүгавиләси имзаланмасыны истәјирик”.
Президентин көмәкчиси һәмчинин гејд едиб ки, Азәрбајҹан Ҹәнуби Гафгазда Ҝүрҹүстанла бирҝә лајиһәләр һәјата кечирир, Ермәнистанын да бу просесә гатылмасыны истәјир.
Бундан өндә президент Илһам Әлијев дә Дөрдүнҹү Глобал Бакы Форумунун ачылышындакы чыхышы заманы билдирмишди ки, Ермәнистана сүлһ мүгавиләси үзәриндә ишләмәјә даир бир сыра тәклифләр ирәли сүрүб, рәсми Бакы мүһарибә һаггында јох, сүлһ һаггында, ҝәләҹәк һаггында данышмаг фикриндәдир. Лакин бу тәклиф һәлә ҹавабыны алмајыб.
Хатырладаг ки, Азәрбајҹан Республикасы Гарабағ мәсәләси нәзәрә алынмадан сүлһ мүгавиләсинин имзаланмасыны тәклиф едир, Ермәнистан исә бундан әввәл Гарабағын статусунун һәллиндә исрарлы галыр. АТӘТ Минск Групунун һәмсәдрләри сөзү ҝедән мәсәләдә даһа чох Ермәнистанын мөвгејини дәстәкләјирләр.
342/
7 noyabr 2021 - 19:36
Xəbər kodu: 1196484
Азәрбајҹан Республикасы Президентинин Администрасијасынын Хариҹи сијасәт мәсәләләри шөбәсинин мүдири өлкәсинин Ермәнистанла сүлһ мүгавиләси имзаламаг истәдијини бәјан едиб.
