Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасынын баш катиби Ајәтуллаһ Рза Рамазани Ливана сәфәри чәрчивәсиндә Ислам Маарифи Университетиндә олуб вә университетин президенти доктор Әли Әләддинлә ҝөрүшүб.
Ислам Маарифи Университетинин президенти доктор Әли Алаәддин бу ҝөрүшдә билдириб: “Бу ил университетин елм вә академик тәһсил саһәсиндә једдинҹи или олдуғу үчүн Ислам Маарифи Университети Ливанда өз елми мөвгејини диҝәр университетләрдән даһа чох газанмаға чалышыр. Һазырда университетдә 250 тәләбә вар вә Ислам Маарифи Университетиндә мәгсәдимиз 10 мин тәләбәјә чатмагдыр.”
Ајәтуллаһ Рамазани гејд едиб: “Биз инанырыг ки, ҝөзәл елм ҝөзәл әхлаг олмадан, ҝөзәл әхлаг ҝөзәл елм олмадан уғур газанмаз. Иран Ислам Республикасы өз елми биликләринә архаланараг дүнјада сөз саһиби ола билиб вә дүнјанын алты ҝүҹү илә данышыглар апармаг гүдрәтинә маликдир. Бәзи елмләрдә елмин гүдрәтинә архаланан Иран Ислам Республикасы дүнјанын илк 10 өлкәсиндән биридир вә бу гүдрәт Ислам дүшмәнләрини дәһшәтә ҝәтириб. Мүсәлманлара вә шиәләрә еһтијаҹымыз вар ки, дүнјада өз јерләрини тутмаг үчүн мүхтәлиф елмләрдә јүксәк елми дәрәҹәләрә чатсынлар.Биз Ислам Маарифи Университети илә мәгаләләр бөлмәләри, елми конфрансларын кечирилмәси, маҝистратура вә докторантура пилләләриндә тәләбә мүбадиләси үзрә әмәкдашлыға һазырыг.”
Диггәт: Хәбәрдән Истифадә Етдикдә Мәнбәјә Истинад Лазымдыр!
