АБНА24 Хәбәр Верир, өтән ҝүн ахшамдан башлајараг Донетск шәһәринин 20 километрлијиндә јерләшән стратежи әһәмијјәтли Докучајевск гәсәбәси әтрафында шиддәтли атышмалар ҝедир. Сепаратчылара јахын мәнбәләр Украјна ордусунун бу гәсәбәни тутмаг үчүн һәмләләр етдијини билдирир.
Гејд едәк ки, үч тәрәфдән Украјна ордусунун әһатәсиндәдир вә үмумијјәтлә ҹәбһәнин бу истигамәти сепаратчыларын ән зәиф нөгтәсидир.
Украјналы һәрби журналист Јури Бутусов исә өзүнүн Фаҹебоок сәһифәсиндә сепаратчыларын Украјна ордусунун Новозвановка рајонундакы мөвгеләринә күтләви артиллерија зәрбәләри ендирдијини әкс етдирән ҝөрүнтүләри јајыб. Иткиләр һагда мәлумат верилмир.
Октјабрын 26-да Украјна ордусу илк дәфә сепаратчыларын артиллерија мөвгејинә “Бајрактар ТБ2” дөјүш пилотсуз тәјјарәсиндән зәрбә ендириб. Бунун ардынҹа Украјна ордусу тәмас хәттинә доғру чохсајлы зиреһли техника вә артиллерија, реактив јајлым атәши системләри ҹәмләшдирмәјә башлајыб.
Бу арада Гондарма “Донетск Халг Республикасы”нын башчысы Денис Пушилин өтән ахшам “Россија 1” телеканалында чыхышы заманы Русијадан онлара көмәјә минләрлә “көнүллүнүн” ҝәләҹәјини билдириб. Пушилинин сөзләринә ҝөрә, онда мәлумат вар ки, Русијадан бөјүк сајда “көнүллү” Донбасса ҝетмәјә вә “халг республикасы” уғрунда вурушмаға һазырдыр.
342/
30 oktyabr 2021 - 19:14
Xəbər kodu: 1193769
Украјнанын шәргиндә, Донетск вә Луганск реҝионларына нәзарәт едән сепаратчыларла Украјна ордусу арасында дөјүшләр гызышыр.
