Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, АБШ-ын Ҹорҹтаун Университети вә мәркәзи Иорданијада јерләшән Стратежи Арашдырмалар Мәркәзинин кечирдији мүсабигәдә "Дүнјанын ән нүфузлу 500 мүсәлманы" арасында 4 азәрбајҹанлыдан бири сечилән, ДЕВАММ-ын (Дини Етигад вә Виҹдан Азадлыгларынын Мүдафиә Мәркәзи) сәдри, Ичәришәһәр "Ҹүмә" мәсҹдинин имам-ҹамааты, һәфтәлик "Дәјәрләр" гәзетинин вә Дәјәрләр АИН (Азербаижан Ыслам Неwс) порталынын баш редактору. Өлкәнин вә регионун танынмыш руһаниләриндән олан Һаҹы Илгар Ибраһимоғлу 19 Октјабр 2021 тарихдә Бакы вахты илә 17:30 радәләриндә гәбилә режими тәрәфиндән сахланылыб.
Илаһијјатчы-философ Һаҹы Илгар Ибраһимоғлунун Һәјатына Гыса Бахыш
Илгар Ибраһимоғлу 5 нојабр 1973-ҹү илдә дүнјаја ҝәлмишдир. Ҝәнҹлик илләриндә "Нә? Һарада? Нә вахт?" командасынын капитаны олмушдур. Ушаг чағларындан Азәрбајҹанын әмәкдар мәшгчиси Олег Исаакович Приворотскинин рәһбәрлији алтында шаһматла мәшғул олмушдур. Биринҹи дәрәҹәли шаһмат устасыдыр.
Фәалијјәти
Игтисадијјат, фәлсәфә вә илаһијјат үзрә али тәһсил алмышдыр. "Ислам вә Гәрб фәлсәфәләринин интеграсијасы" мөвзусунда елми диссертасија мүдафиә етмишдир. Варшавада јерләшән Инсан Һаглары үзрә Бејнәлхалг Мәктәбин мәзунудур. Бунунла јанашы, "Наркоманија вә алкоголизм үзрә бејнәлхалг експерт" сертификатына маликдир.
"Әсма-үл-Һүсна" (ирси ган хәстәликли ушаглара гајғы үзрә ихтисаслашан), "Јетимсиз Вәтән" (валидејин һимајәсиндән мәһрум олмуш ушагларын психоложи реабилитасијасы вә ҹәмијјәтә интеграсијасы үзрә ихтисаслашан) програмларынын координатору, "Һикмәт еви" диспут мәркәзинин вә "Ислам маарифи" програмынын елми рәһбәридир.
Һәмчинин толерантлығын, дөзүмлүлүјүн, мәдәни интеграсијанын инкишафына јөнәли "Мәдәнијјәтләрин диалогу" програмына рәһбәрлик едир. Теолоҝија, постмодерн фәлсәфә вә инсан һагларынын фәлсәфәси кими саһәләрдә интердистиплинар тәдгигатлар апарыр. Ејни заманда, нејролингвистиканын шәхсијјәтләрарасы үнсијјәтләрдә вә парадигмал тәмасда ролу вә јери барәдә арашдырмаларла мәшғул олур.
Ҝөстәрилмиш тәдгигатлар чәрчивәсиндә Австријаја, Полшаја, АБШ-а, Алманијаја, Түркијәјә, Ирана, Јунаныстана, Русијаја, Украјнаја, Иорданијаја, Исвечрәјә, Франсаја, Италијаја сәфәрләр етмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
