Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасын ганунсуз һаким кәсилмиш Илһам 13 Октјабр 2021 тарихдә Италијанын “Ла Репубблиҹа” гәзетинә мүсаһибәсиндә журналистин “ Белә баша дүшүрәм ки, Сизин Исраил илә јахын олмағыныздан Иран о гәдәр дә мәмнун дејил” суалына ҹаваб верәркән бир даһа гоншу гардаш өлкәсинә, Иран Ислам Республикасына гаршы старт вердији гара пира давам етди.
Белә ки, 44 ҝүнлүк мүһарибәдә Гарабағы азад едә билмәјән (ред: Әслиндә Азәрбајҹанын Һүсејнчи иҝидләри Шушаны алдыгдан сонра Ханкәндини, Хоҹалыны да алмышдырлар. Анҹаг Илһам, 10 Нојабрда Путинин һазырладығы “бәјанатына” атдығы имзасындан сонра Азәрбајҹан Ордусуну Гарабағдан ҝери чәкдирди.) вә Азәрбајҹанын торпагларыны ермәниләрә пешкеш едән, Ермәнистан илә тиҹарәт әлагәләрини гуран, гуру вә һава јолларыны Ермәнистанын үзәринә ачан, Азәрбајҹанын әзәли торпағы олан Гарабаға Ермәнистан Республикасынын сәрнишин, јүк вә һәрби машынларыны һәтта рүсум алмадан, һеч бир нәзарәт етмәдән вә јохланыш апармадан бурахан Илһам Иран Ислам Республикасыны јерсиз вә мәнтигсиз олараг сучлајыб.
Гәбилә башчысы журналистин суалыны белә ҹавабландырыб: “Баш верәнләрин сәбәби чох садәдир. Азәрбајҹан өз сәрһәдләринә һөрмәтлә јанашылмасыны истәјир. Гарабағын азад едилмәсиндән сонра биз Ермәнистанла өз сәрһәдимизә чыхдыг. Биз өз сәрһәдимизә ҝәлиб, орада јерләшдик. Ермәнистанын бәзи шәһәрләри арасындакы јол Азәрбајҹанын әразисиндән кечир. Бу јолдан Гарабаға, бизим әразимизә малларын гејри-гануни дашынмасында истифадә олундуғуну ҝөрмәјә башладыг. Бу, гәбуледилмәздир. Биз өз сәрһәдләримизә һөрмәтлә јанашылмасыны тәләб едирик”.
Русија, Ермәнистан вә Азәрбајҹан арасында бағланан 10. Нојабр 2020 тарихли бәјанаты“Ермәнистанын капитулјасијасы” кими дүшүнән Илһам заман кечдикҹә бунун јанлыш анладығыны ҝөрәрәкШәһид аналары вә Газиләр башда олмагла Азәрбајҹан халгы гаршысында ҹавабдеһ олмасын дејәрәк, халгын зеһнләрини 28 ил әрзиндә гәбилә системинин јаратдығы дүшмән образына, Иран Ислам Республикасына гаршы јөнәлтмәјә башлајараг дејиб:
“Беләликлә, месажымыз чох садә иди - дајандырын буну! Биз иҹтимаијјәтә ачыгламадан чох достҹасына билдирдик ки, буну дајандырсынлар. Чүнки бу, дүзҝүн дејил. Биз һәмин јоллара нәзарәт едирик вә ҝөрүрүк ки, алдатмағын, “бунун баш вермәдијини” сөјләмәјин јери јохдур. Әфсуслар олсун ки, бу хәбәрдарлыға адекват ҹаваб верилмәди. Сонра биз икинҹи аддымы атмалы олдуг. Биз дипломатик нота һазырладыг, сәфири дәвәт етдик вә буну иҹтимаијјәтә ачыгладыг ки, буну дајандыраг. Амма, әслиндә, бу, даһа пис форма алды, Ирандан Гарабаға ҝедән јүк машынларынын сајы артды. Бу аддымы биз зәрбә, биләрәкдән һөрмәтсизлик кими сајдыг.
Сонра биз тамамилә гануни һесаб едилән башга тәдбирләри ҝөрдүк вә бу, гоншу өлкәдә бөјүк гарышыглыға, лазымсыз һәрәкәтләрә сәбәб олду. Јерсиз бәјанатлар верилди, һәдәләр едилди, сәрһәдимизә јахын һәрби тәлимләр кечирилди. Мүәммалы иди ки, илк дәфә һәрби тәлимләрин планлы тәдбир олдуғу дејилди. Сонра исә дејилди ки, бизә нәји исә нүмајиш етдирмәк үчүн едилди. Һеч кәс өз ирадәсини бизим үзәримизә гоја билмәз. Биз бүтүн өлкәләрлә вә илк нөвбәдә, гоншуларымызла дост мүнасибәтләрә малик олмаг истәјирик. Бир чох һалларда мән Азәрбајҹанын хариҹи сијасәт приоритетләри һаггында данышанда, - әслиндә, бунларын һамысы чап едилиб, – демишәм ки, бизим приоритетимиз гоншу өлкәләрлә мүнасибәтләрдир.
Сәккиз ил әрзиндә ишләдијимиз әввәлки Иран һөкумәти илә биз мүнасибәтләримизи ән јүксәк мүмкүн сәвијјәјә галдыра билдик. Мәним һәмкарым ҹәнаб Һәсән Руһани илә ондан артыг ҝөрүшүм олуб. Бүтүн һәмин ҝөрүшләр мәһсулдар олуб. Биз енержи, нәглијјат, мәдәни инкишаф, тәһлүкәсизлик саһәләриндә бир чох сазишләри имзаламышыг вә иҹра етмишик. Мүнасибәтләримиз, әслиндә, достлуг вә јахшы гоншулуг рәмзинә чеврилмишдир. Иранын јени һөкумәти, јени Президенти сечиләндә биз нә етдик? Биз онун инаугурасијасына парламент сәдринин вә Баш назирин мүавининин рәһбәрлији илә бөјүк нүмајәндә һејәтини ҝөндәрдик. Онлар мәним достлуг месажымы бирбаша Иран Президентинә чатдырдылар.”
Дүнја медиасында олдуғу кими Азәрбајҹан халгынын ҝөзү өнүндә дә өзүнү мәсум вә һаглы кими ҝөстәрмәјә чалышан, һеч заман етираз едиб гынамаға ҹүрәт етмәдији, Русијадан бир-баша Азәрбајҹан дәһлизи илә Ҝәнҹәјә вә орадан да Гарабаға ҝөндәрилән һәрби сүрсат ТЫР-лары барәдә, Гарабағдакы таннмајан Артсак президенти Араик Владимирович Арутјунјан башда олмагла ермәни террорчу дәстәләринин Азәрбајҹан Республикасынын Газ вә Нефт мәһсуллары кими диҝәр енержиләри илә шәхсән тәмин етмәсини өрт-бастыр етмәјә чалышан Илһам Италијалы журналистә вердији ҹәфәнҝијатынын давамында белә дејиб:
“Хаһиш едирик Гарабағда Иран бизнесменләри тәрәфиндән апарылан гејри-гануни бизнес фәалијјәтинә диггәт јетирин”. Биз Иран һөкумәтини иттиһам етмәк мөвгејиндә дејилдик. Биз анладыг ки, буну бәзи өзәл ширкәтләр едир. Лакин биз бунун дајандырылмасыны хаһиш етдик. Ҹаваб олараг нә баш вердијини һәр кәс ҝөрүр. Нәтиҹәдә нәјә наил олдуг? Бир даһа сөјләјим ки, һеч бир јахшы шеј баш вермәди.”
Күтләнин бејнини аздырыҹы вә чашдырыҹы данышыглары илә долдурмаға сәј ҝөстәрән Илһам ән сонда сөзүнүн давамында белә дејб: “Буна ҝөрә, биз, илк нөвбәдә, Исраилин азад олунмуш торпаглара ҝәтирилмәси илә бағлы Азәрбајҹана јөнәлән бүтүн иттиһамлары рәдд едирик. Бу, тамамилә ҹәфәнҝијјатдыр. Бу, садәҹә, Азәрбајҹаны гараламаг мәгсәдилә дахили аудиторијаја јөнәлмиш бәһанәдир. Һәр кәс ҝедиб ҝөрә биләр ки, орада һеч һәјат јохдур. Һәр бир шеј дағыдылыб. Икинҹиси исә биз диҝәрләринә етдијимиз һөрмәтин өзүмүзә дә олмасыны тәләб едирик”.
Диггәт: Хәбәрдән Истифадә Етдикдә Мәнбәјә Истинад Лазымдыр!
