АБНА24 Хәбәр Верир, бәјанатда дејилир: Сон ҝүнләр арашдырмачы журнлаистләр консорсиумунун һазырладығы, буҝүнләрдә “Пандора гутусу” ады илә ачыгланмыш коррупсија арашдырмасында Азәрбајҹан Республикасы президенти Илһам Әлијевин аиләсинин Лондонда чох сајда мүлкләрә саһиб олмасы һагда фактлар тәгдим олуб.
Бәјанатда әлавә олараг билдирилир: Һәмин бејнәлхалг арашдырманын нәтиҹәләринә ҝөрә, Илһам Әлијевин аиләси Лондонда тәхминән 700 милјон доллар вә ја 1.2 милјард манат дәјәриндә әмлака маликдир. 17 мүлк нағд өдәнишлә алыныб. Пандора сәнәдәринә ҝөрә әлијевләр аиләси бу әмлаклары Британијадакы офшор ширкәтләр васитәсилә алыб.
Милли Шура өз бәјанатында бејнәлхалг сәвијјәдә јајылан коррупсија әмәлләринә Илһам Әлијевин өзү јахуд һөкумәтиндән кимсәнин мүнасибәт билдирмәмәсинә диггәт чәкир вә бу барәдә һүгуги ишләр апарылаҹағыны хатырладыр:
“Милли Шура һаким аиләнин бу әмәлләри илә бағлы Азәрбајҹан Республикасы Баш Прокурорлуғуна ҹинајәт ишинин башланмасы һаггында мүраҹиәт һазырлајыб, јахын ҝүнләрдә тәгдим едәҹәк. Милли Шура һәмчинин, Лондонда ашкара чыхарылмыш, Әлијевләрин халгдан оғурладығы пуллар һесабына әлдә етдији әмлакларын үзәринә һәбс гојулмасы илә бағлы Инҝилтәрәнин Милли Криминал Аҝентлијинә дә мүраҹиәт едәҹәк,”- дејә бәјанатда билдирилир.
Бәјанатын сонунда Илһам Әлијевин өлкәјә рәһбәрлик һаггыны итирдији иддиа олунараг белә дејилир: Милли Шура һесаб едир ки, Илһам Әлијев коррупсијаны дөвләт сијасәтинә чевирдији, тутдуғу вәзифәсиндән истифадә едәрәк аиләсинин адына чохмилјардлыг сәрвәтләр топладығы үчүн өлкәјә рәһбәрлик етмәк һаггыны итириб вә истефа вермәлидир.
342/
10 oktyabr 2021 - 09:11
Xəbər kodu: 1187336
Милли Шура һаким аиләнин адынын бејнәлхалг коррупсија арашдырмасында һалланмасы барәдә бәјанат јајыб. Президент Илһам Әлијеви истефаја чағырыб.
