Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Һиҹри Гәмәри тарихи илә 1443 -ҹү (2021 -ҹи ил) илин Әрбәин мәрасиминә гатылан Әфганыстанлы зәввар "Муртәза Ҹәннәти", АБНА сајтынын Ирагдакы хүсуси мүхбиринә ексклүзив мүсаһибә верәрәк дејиб: "Әрбәин зијарәтинин мәнәви өлчүсү чох ҹазибәдардыр вә бу мәрасимдә иштирак етмәк гәрарына ҝәлән һәр кәс ҹанла-башла буну јеринә јетирир."
Имам Һүсејнин (әлејһи сәлам) гијамындан өјрәнилә биләҹәк дәрслә бағлы суала ҹаваб олараг Әфганыстан вәтәндашы дејиб: “Илк вә бүтүн инсанлыг үчүн үмуми дәрс, Имам Һүсејнин (ә) азадлыг дәрсидир. Һеч бир шәкилдә зүлмә бојун әјмәмәк, әзилмәмәк вә зилләт һәјатындан үз дөндәрәк иззәтли өлүмлә шәрәфләнмәк дәрси.”
20 јашында олан вә Нәҹәф Елми Һөвзәсиндә охујан Ҹәннәти Әрбәин месажы һаггында бунлары сөјләди: “Әрбәин, Һәзрәт Һөҹҹәтин (ә) зүһур етмәсинә һазырлыгдыр вә Аллаһ гојса, бу ајини әзәмәтлә, ешг, еһтирас вә хидмәт ҝөстәрмәк мәгсәди илә һәјата кечирмәклә Имам Заманын зүһуруна бир аддым јахынлашырыг.”
Сонда Әфганыстан вәтәндашы әфган зәвварларын вәзијјәти һаггында бунлары сөјләди: "Әфганыстанлы зәвварлар һәр заман зүлм вә ситәм ичиндәдирләр, инди сәрһәдләр бағлыдыр. Иран һөкумәтиндән лазыми көмәји ҝөстәрмәсини хаһиш едирик.”
Диггәт: Хәбәрдән Истифадә Етдикдә Мәнбәјә Истинад Лазымдыр!
