Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, "Неда ал-Агса" јүрүш чадырынын тәшкилатчыларындан олан Шејх "Мәһәммәд Әдиб Јасерҹи" бу чадырла әлагәдар бунлары сөјләјиб: "Бу “Јүрүш Чадыры” Сурија, Ливан вә Фәләстиндән олан шәхсијјәтләр тәрәфиндән бир груп Фәләстинли алимлә бирликдә һәмрәјлик нүмајиш етдирмәк үчүн Нәҹәф-Кәрбәла јолу үзәриндә гурулуб. Мәгсәдимиз "Имам Һүсејнин (әлејһи сәлам) миссијасы вә Һүсејн (әлејһи сәлам) Ингилабына әсасланараг Фәләстин мөвзусуну вурғуламалыдыр.”
Һәләбдән олан бу Суријалы әһли сүннә алими АБНА Хәбәр Аҝентлијинин мүхбиринә вердији екслүзив мүсаһибәсиндә вурғулаыб: “Имам Һүсејнин (әлејһи сәлам) ингилабы Аллаһа гаршы туғјан едән үсјанчыллара гаршы бир ингилаб иди вә һәр бир азад инсан Имам Һүсејндән (әлејһи сәлам) нүмунә ҝөтүрүр.”
О әлавә едиб: "Фәләстин мәсәләси бүтүн мүсәлманларын, дүнјадакы азад инсанларын вә шәрәфли инсанларын проблемидир вә Фәләстинлиләр Һүсејни тәлимләриндән нүмунә ҝөтүрүрләр."
Шејх Мәһәммәд Әдиб Јасирҹи Әрбәин зәвварларына ишарә едәрәк деди: “Имам Һүсејнин (әлејһи сәлам) зијарәтә ҝәлән зәвварлар ади бир инсанын хатирәсини ҹанландырмырлар, әксинә Илаһи дәјәрләрин вә принсипләрин символу олан бир Инсаны ҹанландырырлар. Бу дәјәрләр вә принсипләр Фәләстин мәсәләсиндә өзүнү ҝөстәрир.”
Әрбәин зәвварларынын тәһлүкәсизлијинин тәмин едилмәсиндә Мүгавимәт блокунун Шәһид командирләринин ролу барәдә верилән суала ҹаваб олараг дејиб: "Шүбһәсиз ки, шәһид ҝенерал Гасим Сүлејмани вә Әбу Меһди Әл-Мүһәндисинин Әрбәин зәвварларынын тәһлүкәсизлијинин тәмин едилмәсиндә бөјүк ролу олмушдур. Онлар өн ҹәбһәдә олурдулар вә бир чох шәһидләр бу командирләрин кәнарында Ирагын тәһлүкәсизлији үчүн ҹанларыны гурбан вердиләр. Бизим өлкәләримиздә олан һәр бир шеј ган верән шәһидләрин хејир-дуасы сајәсиндәдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
