АБНА24 Хәбәр Верир, парламент сечкисиндә Украјнанын тәркиб һиссәси олан Донбасс сакинләри дә иштирак едирләр.
Гејд едәк ки, Москва Донбасс сакинләринә Русија паспортлары пајлајыб вә онлар бу паспортларла Дөвләт Думасына сечкиләрдә намизәдләрә сәс верирләр. Донбассда сечки мәнтәгәләри јарадылмаса да, сакинләр онлајн сәсвермәдә иштрак едә биләрләр.
Украјна әразиси сајылан вә һазырда Русијанын ишғалында галан Крымда исә ајрыҹа сечки мәнтәгәси јарадылыб. Русија Крымы 2014-ҹү илдә илһагындан сонра јарымада сакинләри Русијанын 4-ҹү сечкисиндә иштирак едирләр. Крым сакинләри бундан әввәл бир дәфә 2016-ҹы илдә Русија парламент сечкисиндә, 2018-ҹи илдә президент сечкисиндә иштирак едибләр, 2020-ҹи илдә Русија Конституссијасына дәјишикликләрә сәс верибләр.
Украјна парламенти – Али Рада сентјабрын 8-дә Крым вә Донбасда кечириләҹәк сечкиләрә артыг етиразыны билдириб. Украјналы депутатлар бунунла бағлы БМТ, НАТО, Авропа Парламенти вә дүнја дөвләтләринин парламентләринә мүраҹиәт едибләр.
Онлар билдирибләр ки, Русија бејнәлхалг һүгуга вә дөвләтләрин әрази бүтөвлүјү принсипинә јенә һөрмәтсизлијини ортаја гојуб. Кремл бир тәрәфдән сөздә Донбасс бөһранынын һәлли мәгсәдилә Минск форматынын давамыны тәләб едир, диҝәр тәрәфдән әмәлдә Донбасда ганунсуз сечки кечирмәклә фактики бу бөлҝәнин дә Крым кими ишғалыны рәсмиләшдирир.
Азәрбајҹанлы експертләр исә хәбәрдарлыг едирләр ки, Русија ҝәләҹәкдә Гарабағда да аналожи үсула әл атаҹагдыр. Белә ки, Украјна вә Ҝүрҹүстанда сепаратчылара паспорт пајладығы кими Гарабағда да ермәни сепаратчыларына Русија паспортуну пајламагла бу гејри-гануни әмәлини бир преседентә чевирә биләр.
342/
19 sentyabr 2021 - 13:21
Xəbər kodu: 1181384
Русијада дүнәндән башлајараг 3 ҝүн әрзиндә парламентә - Дөвләт Думасына сечкиләрә старт верилиб вә Украјнадакы сепаратчыларын да бу сечкиләрдә иштиракы тәмин едилиб.
